काठमाडौं, २७ जेठ । नागरिक तथा पर्यटन उडड्यन मन्त्री रविन्द्र अधिकारीले एक सय दिनमा गर्ने कार्यक्रम सार्वजनिक गरेका कामहरु मध्य ९७ प्रतिशत सम्पन्न गरेको बताए । अधिकारीले सय दिने कार्यक्रमको घोषणा गर्दै त्रिभुवन अन्तराष्ट्रिय बिमानस्थलबाट मात्रै उडान भर्दा लामो समयसम्म होल्ड गर्नु पर्ने अवस्था रहेको भन्दै अब क्षेत्रीय तहबाट उडाउने तयारी गरेको बताए ।

काठमाडौंबाट मात्र उडान भर्दा जहाजको चाप धेरै हुने भएकाले क्षेत्रीय तहबाट उडाउन गृहकार्य सुरु भएको बताएको छ । पर्यटन मन्त्री अधिकारीले मुलुक आर्थिक विकाश समृद्धि तर्फ लम्केको बताएका छन् । एविसी टेलिभिजनको कार्यक्रम आउट लुकमा शुभशंकर कंडेल संग कुराकानी गर्दै मन्त्री अधिकारीले नेपालमा पर्यटन क्षेत्रको विकाश गर्न नेपाल सरकारबाट स्वीकृत प्राप्त नेपालको राष्ट्रिय पर्यटन रणनितिक योजना २०१६–२०२५ को कार्यन्वयन गर्दै स्थानीय स्तरमा पर्यटनको लाभ जनताले प्राप्त गर्ने गरी रोजगारीको अवसर सिर्जना गर्ने लगायतका निवारणमा टेवा पुग्ने बताएका छन ।

नेपालमा पर्यटनको सम्भाबना प्रचुर मात्रामा रहे पनि यसलाई विकाश गर्न नसक्दा लाभ लिन नसकेको मन्त्री अधिकारीको भनाई रहेको छ ।

नेपालको अर्थतन्त्रमा पर्यटन क्षेत्रको योगदान कूल ग्राहस्थ उत्पादनको २५ प्रतिशत पुर्याउने गरी काम गर्ने, नेपालमा आउने विदेशी पर्यटकको संख्या कम्तीमा १५ लाख पुर्याउने लक्ष्य सहित भ्रमण वर्ष २०२० स्वीकृत भएको जनाएको छ । यसका लागि सरकारले हवाई यातायातलाई थप सुरक्षित, व्यवस्थापन र भरपर्दो बनाउने भएको छ । त्रिभुवन अन्तराष्ट्रिय बिमानस्थलको स्तरोन्नती, गौतमबुद्ध र पोखरा क्षेत्रीय अन्तराष्ट्रिय बिमानस्थलको निर्माणकार्यलाई तिब्रता दिने भएको छ ।

मन्त्री अधिकारीको १०० दिन सय दिने कार्यक्रम भित्र त्रिभुवन अन्तराष्ट्रिय बिमानस्थलको सुधार, राष्ट्रिय गौरबको आयोजनाहरुको प्रभाबकारी कार्यान्वयन, भूकम्पबाट क्षतिग्रस्त सम्पदाहरुको पुननिर्माण, नीतिगत तथा कानूनी सुधार लगायतका १ सय १० कार्यक्रम रहेका थिए ।

भिडियो