काठमाडौँ, ३ जेठ । नेकपा एमाले र नेकपा माओवादी केन्द्रले केन्द्रीय समितिको संयुक्त बैठक बोलाएका छन् ।
पार्टी एकताको निर्णय अनुमोदनका लागि संयुक्त बैठक बोलाएका हुन् । अहिले दुवै दलको केन्द्रीय समितिको एक्ला एक्लै बैठक बसिरहेको छ । बालुवाटारमा बस्ने केन्द्रीय समितिको संयुक्त बैठकले नेपाल कम्युनिष्ट पार्टी गठनका लागि निर्णय गरेर नेताहरु निर्वाचन आयोगमा जानेछन् । संयोजन समितिको निर्णय अनुसार केन्द्रीय समितिको संयुक्त बैठक बस्न लागेको हो ।
यसैबीच आज बसेको पार्टी एकता संयोजन समितिको अन्तिम बैठकले एकता संयोजन समितिलाई एकीकृत पार्टीको सचिवालयमा रुपान्तरण गरेको छ । समितिमा दुवै दलका बरिष्ठ नेताहरु रहेकोले सोही समितिलाई सचिवालयमा रुपान्तरण गरिएको हो ।
प्रतिक्रिया दिनुहोस्