काठमाडौं, १७ वैशाख । नेपाल मुस्लिम संघले मुस्लिम समुदायले पाउँदै आउको विदा कटौती तत्काल सच्याउन माग गरेको छ ।
संघको पुनः निर्वाचित अध्यक्ष अब्दुल सतारले बिदा कटौती गरेर मुस्लिम समुदायको भावनामा ठेस पुगेको बताउनुभयो । मुस्लिम संघको वैशाख १५ र १६ गते काठमाडौंमा भएको महाधिवेसनको निर्णय सार्वजनिक गर्न आयोजित पत्रकार सम्मेलनमा बोल्दै अध्यक्ष सतारले संविधानले ग्यारेन्टी गरेको अधिकार कटौती नगर्न समेत चेतावनी दिनुभयो ।
संघले संवैधानिक मुस्लिम आयोग तत्काल गठन गर्न माग गरेको छ । साथै, मद्रसा शिक्षालाई मान्यता दिन माग गरेको छ । आफूहरुले उठाएको मागको सम्बोधन नहुने हो भने कडा भन्दा कडा आन्दोलन गर्ने अध्यक्ष सतारले चेतावनी दिनुभयो ।
प्रतिक्रिया दिनुहोस्