बुटवल, १४ बैशाख ।
सरकारको सेण्डीकेट टोड्ने अभियानका बिरुद्ध लागेका यातायात ब्यवसायीहरुले आजबाटै अघोषित आन्दोलन सुरु गरेका छन् ।
पश्चिम नेपाल बस ब्यवसायीसंघले आज दिनभरी क्यु फ्री गर्दै यातायात संचालकहरुको सवारी साधन बुटवलको सडकमा उतारेको छ । क्यु फ्री भन्दै समिती अन्तर्गतका २ हजार बढी बसहरु सडकमा उतारेपछि बुटवलको यातायात ब्यवस्था अस्त ब्यस्त बनेको थियो । समितीको टिकट काउण्टर समेत बन्द गरेर सवारी साधन सडकमा उत्रीएपछि गन्तब्य पुग्न बस पार्क पुगेका यात्रुहरुले सास्ती भोग्न परेको थियो ।
कम्पनी दर्ता गरेर सवारी चलाउं कति अस्त ब्यस्त हुन्छ भन्ने कुरको उदाहरण देखाउन समितीले क्यु नदिएको पश्चिम नेपाल बस ब्यवसायी संघले जनाएकाछ । यो संकेत मात्र भएको र पुरै कम्पनीका जिम्मा दिंदा आउने परिणाम नराम्रो हुने समितीका बरिष्ठ उपाध्यक्ष नारायण घिमीरेले बताउनुभयो ।
सरकारले यातायात क्षेत्रको सेण्डीकेट पुर्णरुपमा हटाउने घोषणा गरेपनि ब्यवसायीहरुले भने आफुहरुले सेण्डीकेट नलगाएर आलोपालो मात्र गरेको भन्दै आएको छ ।