काठमाण्डौ – चैत्र २७ ।
नेपाली कम्युनिष्ट पार्टीका नेता देव गुरुङले यो सरकारलाई एसपीपी पास गर्न दिन नहुुने बताएका छन । एविसी टेलिभिजनको कार्यक्रम एविसी वाचमा उनले यस्तो बताएका हुन । सरकारले भित्रभित्रै अमेरिकी स्टेट पार्टनरशिप प्रोग्राम (एसपीपी) सम्झौता गर्ने तयारी गरिरहेको आशङ्का पनि गुरुङले व्यक्क्त गरे । कार्यक्रममा गुरुङले भने ओली देखि देउवा र प्रचण्डको सरकारलाई एसपीपी पास गर्न ठुलो दवाव थियो । यी ठुलादलहरुले एसपीपी पास नगर्दा रास्वपा भित्रभित्रै उत्पती भएको उनको तर्क छ । एमसीसी र एसपीपीको लागि ठुलादलहरु सकारात्मक नभएपछि रास्वापा जस्ता दलहरु मुलुकमा जन्मिएको उनले बताए । यो सरकारलाई आत्मघाती कदमबाट रोक्न स्थापित दलहरु एक हुनुपर्ने उनको भनाई छ । कार्यक्रममा उनले भने सरकारको काम कारवाही दलका नेताहरुमाथि प्रतिशोध साध्ने देखिन्छ । सरकारले ठुलादलहरुका मुख्य नेताहरु छानी छानी गिरफतार गर्नु गैरकानुनी भएको उनले बताए ।