काठमाडौं, २५ चैत । केहि छिनको लागि उठेको रिसलाई नियन्त्रणमा लिन नसक्दा धेरै कुरा बिग्रिन्छ भन्ने उक्ती एक वेभ डेभलोपरको जीवनमा सहि साबित भएको छ ।
ई–जोन इन्टरनेश्नल प्रा.लि., काठमाडौंका पूर्व कर्मचारी सफ्टवेर डेभलपर २९ वर्षीय कमल पाठकले जागिरबाट निकालिदिएको झोकमा ८५ वटा कम्पनीको वेव डाटा सर्भरबाट डिलेट गरिदिए ।
उनी विरुद्ध कम्पनीले ती डाटाहरु जागिरबाट निकालिदिएको रिस पोख्न डिलिट गरिदिएको भन्दै जाहेरी दिएपछि प्रहरीले उनलाई पक्राउ गरेको हो ।
काठमाडौं प्रहरी परिसरका डिएसपी मोहनकुमार थापाले ई–जोन इन्टरनेश्नलले दिएको जाहेरीका आधारमा उनलाई पक्राउ गरेर अनुसन्धान थालिएको बताएका छन् ।
एक जागिर गयो नै त्यो संगै उनले जेल पनि जानु परेको छ ।
प्रतिक्रिया दिनुहोस्