काठमाडौं । प्रधानमन्त्री बालेन्द्र शाह (बालेन) ले सरकारी निवास बालुवाटारमा पूजाआजा गरेका छन् ।
मध्याह्न साढे १२ बजे विभिन्न धार्मिक विधिअनुसार स्वस्ति वाचन र शङ्खनाद गरी शपथ लिएका बालेनले साँझ प्रधानमन्त्रीको सरकारी निवास बालुवाटारमा पनि पूजाआजा गरेका हुन् । यहाँ भने उनी आफैँ प्रत्यक्ष रूपमा संलग्न भएर पूजा गरेका छन् ।
त्यसअघि प्रधानमन्त्री तथा मन्त्रिपरिषद् कार्यालय सिंहदरबारमा सबै मन्त्रालयका सचिवलगायत उच्च तहका कर्मचारीहरूलाई ब्रिफिङ गरेका थिए । त्यसपछि बसेको मन्त्रिपरिषद् बैठकले चार वटा निर्णय गरेको छ ।
मन्त्रिपरिषद् बैठकपछि उनी बालुवाटार पुगेका थिए ।
प्रतिक्रिया दिनुहोस्