पुराना दलमाथि नयाँ शक्तिको दबाब

काठमाडौं । प्रतिनिधिसभा निर्वाचनअन्तर्गत समानुपातिक प्रणालीतर्फको मतगणना जारी रहँदा नेपाली राजनीतिक नक्सामा स्पष्ट परिवर्तनको संकेत देखिएको छ।

निर्वाचन आयोग नेपाल का अनुसार हालसम्म १ करोड ७ लाख ७४ हजार ५३ मत गणना भइसकेको छ। प्रारम्भिक नतिजाले नयाँ राजनीतिक शक्तिको उदय र परम्परागत दलहरूको मताधारमा आएको गिरावट दुवैलाई संकेत गरेको विश्लेषकहरू बताउँछन्।

हालसम्मको मत परिणामअनुसार राष्ट्रिय स्वतन्त्र पार्टी अत्यन्तै ठूलो अन्तरसहित पहिलो स्थानमा पुगेको छ। रास्वपाले ५१ लाख ५० हजार ८५८ मतप्राप्त गरेको छ।

दोस्रो स्थानमा नेपाली काँग्रेस रहेको छ भने नेपाल कम्युनिष्ट पार्टी (एकीकृत मार्क्सवादी लेनिनवादी) तेस्रो स्थानमा छ। चौथो स्थानमा नेपाली कम्युनिस्ट पार्टी रहेको छ।

समानुपातिक प्रणालीमा संसद प्रवेशका लागि कम्तीमा ३ प्रतिशत मत आवश्यक पर्छ। हालसम्मको मतगणनामा छ दलले मात्रै उक्त थ्रेसहोल्ड पार गरेका छन्।

समानुपातिकतर्फ शीर्ष दलहरू

थ्रेसहोल्ड नकटाएका प्रमुख दल

साना दलहरूको मत स्थिति

४ हजारभन्दा कम मत ल्याउने दल

नयाँ राजनीतिक सन्देश

समानुपातिक मतगणनाको प्रारम्भिक नतिजाले नेपाली मतदाताले परम्परागत दलप्रति असन्तुष्टि र नयाँ राजनीतिक शक्तिप्रति आकर्षण देखाएको संकेत दिएको छ।

विशेषगरी रास्वपाले पाएको मत प्रतिशतले नेपाली राजनीतिमा नयाँ शक्ति उदाएको मात्र होइन, राजनीतिक प्रतिस्पर्धाको समीकरण नै बदलिएकोसंकेत दिएको विश्लेषकहरूको भनाइ छ।

अब अन्तिम मतगणना र समानुपातिक सिट बाँडफाँटपछि प्रतिनिधिसभाको शक्ति सन्तुलन कस्तो बन्छ भन्ने विषयमा सबैको चासो केन्द्रित भएको छ।