काठमाडौं, २८ जेठ । प्रधानमन्त्री वालेन्द्र (बालेन) शाहका राजनीतिक सल्लाहकार असिम शाहको संयोजकत्वमा गठित ‘संविधान संशोधन बहस पत्र’ तयारी कार्यदलले पूर्वप्रधानमन्त्रीहरू पुष्पकमल दाहाल ‘प्रचण्ड’, माधवकुमार नेपाल र झलनाथ खनालसँग छलफल गरेको छ ।
संविधान संशोधनका विषयमा सुझाव संकलन गर्ने क्रममा कार्यदलको टोली बिहीबार ललितपुरको मानभवनस्थित दाहाल निवास पुगेको थियो।
संयोजक शाहसहितको टोलीले पूर्वप्रधानमन्त्री दाहाल, नेपाल र खनालसँग सामूहिक रूपमा भेटवार्ता गर्दै संविधान संशोधनका सम्भावित विषय, राजनीतिक सहमति र आगामी प्रक्रियाबारे सुझाव तथा धारणा लिएको जनाएको छ ।
कार्यदलले संविधान संशोधन बहस पत्र तयार गर्ने उद्देश्यसहित विभिन्न राजनीतिक दलका नेता, पूर्वपदाधिकारी तथा सरोकारवालासँग परामर्श र सुझाव संकलन अभियान सञ्चालन गरिरहेको छ ।
प्रतिक्रिया दिनुहोस्