काठमाडौ, २२ चैत्र । दुई वर्षमा दोस्रो पटक भ्रमण गर्दैछन् प्रधानमन्त्री केपी शर्मा ओली । प्रधानमन्त्री केपी ओलीको चैत २३ देखि २५ सम्म हुने भारत भ्रमण मितव्ययी भनिएपनि अन्ततः दलबलसहितको जम्बो टोली लिएर ओली भारत जादैछन् ।

भ्रमण टोलीमा परराष्ट्रमन्त्री प्रदीप ज्ञवाली, उद्योग वाणिज्य तथा आपूर्तिमन्त्री मातृका यादव र भौतिक पूर्वाधार तथा यातायातमन्त्री रघुवीर महासेठ, ९ सांसद र अन्य सरकारी अधिकारी रहने टुंगो लगाएको छ । प्रधानमन्त्री ओली दिल्लीमा राष्ट्रपतिको पाहुनाका रूपमा रहनेछन । राष्ट्रपति भवनमा उनीसहित अन्य १० पाहुना बस्ने छन् । अन्यका लागि ताजमान सिंह होटल तय गरिएको छ । ‘सरकारी खर्चमा जाने पाहुना ३५ सदस्यीय तय भएपनि अझै केही थप हुन सक्ने परराष्ट्र मन्त्रालयले जनाएको छ ।

निजी क्षेत्रका व्यवसायी, उद्यमी र सञ्चारकर्मीको छुट्टै टोली भ्रमणमा रहनेछ । प्रधानमन्त्री ओली सरकारी ध्वजावाहक नेपाल एयरलाइन्सको नियमित उडानमा शुक्रबार बिहान प्रस्थान गर्नेछन् । शुक्रबारै ओलीले व्यापारिक समुदायस“ग छलफल गर्नेछन् । नेपाली समुदायस“ग पनि सोही दिन अन्तरक्रिया गर्ने कार्यक्रम ओलीको छ । शुक्रबारै बाह्रखम्बास्थित नेपाली दूतावासमा कार्यवाहक राजदूत भरतराज रेग्मीले आयोजना गर्ने रिसेप्सनमा ओली सहभागी हुनेछन । रिसेप्सनमा भारतका राजनीतिज्ञ, पूर्वराजदूतहरू, भारतीय व्यापारी तथा अन्य अधिकारी रहने छन । शनिबार प्रधानमन्त्री ओलीको महत्वपूर्ण दिन रहनेछ । ओलीले भारतीय प्रधानमन्त्री मोदीस“ग भेटवार्ता गर्नेछन । वान टु वान र प्रतिनिधि टोलीस“ग भेटवार्ताको समय तय भएको छ ।

दुईपक्षीय सम्झौता तथा प्रतिबद्धता शनिवार नै भेट पछि हुने छन् । भारतीय पक्षबाट सोही दिन कुनै सहयोग घोषणा गर्ने सम्भावना रहेको बताइएको छ । अरुण तेस्रो जलविद्युत् आयोजना शिलान्यास र उद्घाटनको ‘स्विच अन’ पनि त्यसै दिन हुनेछ । रेलमार्गमा भारतले चासो देखाएको छ भने जलमार्गसम्म पह“ुचको सहजतामा नेपालले जोड दिनेछ । शनिबारै ओली महात्मा गान्धीको समाधिस्थल पुग्नेछन । उनलाई भारतीय प्रधानमन्त्री मोदीले दिवाभोज र राष्ट्रपति रामनाथ कोविन्दले रात्रिभोज दिनेछन् । उनी फर्कने दिन आइतबार उत्तराखण्ड पुग्नेछन । विशेष विमानमा उत्तराखण्ड गएर त्यहा“को अवलोकनपछि दिल्ली फर्केर दिल्लीबाट अपराह्न्न नेपाल फर्कने प्रधानमन्त्रीको कार्यक्रम छ ।

प्रधानमन्त्री ओलीले आफ्नो भारत भ्रमणलाई ‘विकास लक्ष्यसहितको सद्भावना भ्रमण’ भनेका छन । भ्रमणका क्रममा कृषि अनुसन्धान, उत्पादकत्व वृद्धि र कृषि क्षेत्रका लागि आवश्यक जनशक्ति विकासलगायतका विषयमाथि छलफल हुनेछ । यसमा भारत सरकारका तर्फबाट केही प्रतिबद्धता घोषणा हुने सम्भावना रहेको प्रधानमन्त्रीनिकट स्रोतले बताएको छ । यस्तै, उत्तरखण्डको डा। गोविन्दवल्लभ पन्त कृषि तथा प्रविधि विश्वविद्यालयले ओलीलाई डक्टर अफ लेटर्स ९डिलिट० उपाधि प्रदान गर्नेछ ।
ओलीले आफ्नो भ्रमणलाई फलदायी बनाउन भारत भ्रमणबारे पूर्वप्रधानमन्त्रीहरुस“ग परामर्श गरेका छन् । पूर्वप्रधानमन्त्रीहरुले मुलुकमा दुगामी असर नपर्ने खालका सहमति र सम्झौता गर्न पुर्व प्रधानमन्त्रीलाई सुझाव दिएका छन् । नेपाल भारत प्रवुद्ध समुहका सदस्य एवं एमाले नेता डाक्टर राजन भटट््राईले मुलुकको राष्ट्रिय हितलाई ध्यानमा राखी बिभिन्न विषयमा सम्झौता गर्न पूर्वपूधानमन्त्रीहरुबाट सुझाव आएको बताए । विगतमा भएका सहमतिको कार्यान्वयन गर्न र गराउन पनि बैठकमा प्रधानमन्त्रीलाई सुझाव दिएका छन् । प्रधानमन्त्रीस“गको परामर्शमा पूर्वप्रधानमन्त्रीहरु झलनाथ खनाल, माधवकुमार नेपाल, शेरबहादुर देउवा, पुष्पकमल दाहाल, लोकेन्द्र बहादुर चन्द र मन्त्रिपरिषदका पूर्वअध्यक्ष खिलराज रेग्मी सहभागी थिए । पूर्व प्रधानमन्त्री डाक्टर बाबुराम भट्टराई भने सहभागी भएनन । परराष्ट्रमन्त्री प्रदीप ज्ञवाली, प्रबुद्ध व्यक्तिहरुको समूह ९ईपीजी० सदस्यहरु भेषबहादुर थापा, निलाम्बर आचार्य, सूर्यनाथ उपाध्यायलगायतका परराष्ट्रविद्हरु पनि सहभागी थिए ।