काठमाडौं, ११ फागुन । पूर्व गर्भनर दीपेन्द्र बहादुर क्षेत्री राज्यले मुलुकमा भएको मुल्य बृद्धिलाई नजर अन्दाज नगरेको बताएका छन् । एबीसी टेलिभिजनको कार्यक्रम आउटलुकका लागि प्रधानसम्पादक शुभशंकर कँडेलसँग कुरा गर्दै ४ सय ५० मा पाउने सिमेन्ट झण्डै ८ सय पुगेको भएपनि सरकारका मन्त्रीले मुल्य बृद्धि नभएको बताउने गरेको उनले बताए । उनले कार्यक्रममा एउटा वडाको वडा अध्यक्ष पदमा लड्न १ करोड सम्म खर्च हुने गरेको बताउदै गर्दै अन्य पदमा कति खर्च हुन्छ होला र मन्त्री हुन कति खर्च होला भनि प्रश्न समेत गरे । उनले त्यस्ता खर्च सवै नेपालका उद्योगहरुमा जोडिने र उक्त मुल्य बृद्धिको मारमा उपभोक्ता पर्ने गरेको कुराको संकेत उनले गरेका छन् । कार्यक्रममा क्षेत्रीले आर्थिक विकासको वातावरण बनाउन पार्टीहरू गम्भीर नभएको समेत बताएका छन्। उनले बेरुजुको मात्रा बढेको, सुशासन कायम हुन नसकेको, पुँजीगत खर्च नबढेको बताउँदै क्षेत्रीले अर्थ मन्त्रालय र राष्ट्र बैंकबीच समन्वय हुनुपर्ने बताए। कृषि क्षेत्रमा उत्पादकत्व बढाउनको लागि अनुदान किसानको हातमा पुग्नुपर्ने समेत उनको सुझाव दिएका छन् । नेपालको अर्थतन्त्र सुस्ताउनुमा सहकारी डुब्नुमा रहेको समेत बताए छन् । उनले सहकारीको पैशा कसैले जग्गामा लगानी गरेको कसैले प्रेमिकालाई गाडी किनेर उपहार दिएको समेत बताएका छन् ।