काठमाडौं ६ माघ । भारतको एक अदालतले कोलकातामा महिला प्रशिक्षार्थी चिकित्सकको बलात्कार र हत्याको घटनामा एक जनालाई दोषी ठहर गरेको छ । गएको अगस्टमा कोलकताको एक सरकारी अस्पतालको सेमिनार कक्षमा प्रशिक्षार्थी चिकित्सकको बलात्कारपछि हत्या भएको थियो ।
घटनापछि सरकारी अस्पतालका डाक्टरले सुरक्षाको माग गर्दै लामो समयसम्म विरोध प्रदर्शन गरेका थिए । प्रतिवादी सञ्जय रोयको मुद्दामा द्रूत सुनुवाई प्रकृया अघि बढाइएको थियो र यो मुद्दामा एक हप्ता अघि मात्रै बहस सकिएको थियो ।
अस्पतालमा स्वयंसेवक रहेका ३३ वर्षीय रोयलाई बलात्कार र हत्यामा दोषी ठहर गरेपछि न्यायाधीश अनिर्बान दासले पर्सि सोमवार सजाय सुनाइने बताउनुभएको भारतीय सञ्चारमाध्यमले जनाएका छन् । फैसलापछि रोयले आफूलाई फसाइएको प्रतिक्रिया दिएका छन् ।
प्रतिक्रिया दिनुहोस्