काठमाडौं २३ पुस । माओवादी केन्द्रका उपमहासचिव जनार्दन शर्माले प्रत्यक्ष निर्वाचनबाट नेतृत्व चयन हुनु उचित हुने बताएका छन् । माओवादीको केन्द्रीय समिति बैठकमा मंगलबार अध्यक्ष पुष्पकमल दाहालको प्रतिवेदनमाथि बोल्दै निर्वाचनबाट अध्यक्ष चयन हुन उचित हुने धारणा दिएका हुन् ।

‘महाधिवेशन गर्ने कि नगर्ने बहस छ । अध्यक्ष आफैंले महाधिवेशन गर्ने घोषणा गरेर बैठकले पास स्मरण गराउन चाहन्छु । विधानअनुरुप पार्टी बनाउनुपर्छ । तर विधानअनुसार पार्टी नचलेकाले समस्या छ । महाधिवेशनबाट समावेशी नेतृत्व संवभ छ,’ उनले भने, ‘विधान अधिवेशनपछि पार्टीको नीति, निर्माणमा समस्या देखियो । पार्टीको नेतृत्व निर्वाचनबाट संभव छ । त्यसबाट समावेशी नेतृत्व चयन संभव छ । निर्वाचनबाट अध्यक्ष पद पनि चयन हुन्छ ।’

उनले अघिल्लो स्थायी समिति बैठकमा राखेका विषय आगामी महाधिवेशनमा प्रस्तुत गर्ने उल्लेख गर्दै नेतृत्व रुपान्तरण र विचारको समस्या समाधान गरेर जानुपर्ने बताए । ‘पार्टी एकतापछि महाधिवेशनमा जाने संभव छ । अभियानपछि हामी महाविधेशनमा जानुपर्छ । मुख्य समस्या विचारको हो,’ उनले भने, ‘वैचारिक हिसाबले अग्रगामी र नेतृत्व रुपान्तरण नभएसम्म पार्टी बन्न सक्दैन ।’

अध्यक्ष दाहालको राजनीतिक प्रतिवेदनमा आफूले उठाएका समाजवादी मोडेल समेटिएको भन्दै स्वागत गरे । ‘केही कुरा महाधिवेशनमा समाधान गर्ने भन्नु भएको छ । स्वागत गर्न चाहन्छु,’ उनले भने ।

चीनको तिब्बतमा रहेको झोङ्झाउ कम्पनीको लागी हस्तकला गर गहना बनाउने कामदार को आबश्यकता तलब १देखि२लाख सम्म आफ्नो यो ग्यता अनुसार खानबस्न सुबिधा

उनले आफूले पदको बार्गेनिङको हिसाबले लिखित मत नराखेको दाबी गरे । ‘नेतृत्व, अभिभावक र पार्टीको अगाडि राख्ने कर्तव्य ठानेर लिखित रुपमा प्रस्ताव राखेको हुँ । यी प्रस्तावहरु बार्गेनिङ गर्नलाई होइन । एउटा बहस भएपछि त्यसले निष्कर्षमा पुग्न भूमिका खेल्नुपर्छ,’ उनले थपे ।

उनले नेताहरुको सम्पत्ति छानबिनका लागि स्वतन्त्र आयोग गठन गर्नसमेत माग गरे ।