दोलखा । दोलखाको गौरीशंकर गाउँपालिका उपाध्यक्षमा माओवादी केन्द्रलाई रोक्दै नेकपा एमाले अघि बढेको छ ।
वडा नम्बर १ देखि ६ सम्मका मत गणना सकिँदा एमालेकी उमा शेर्पाले १९७२ मत ल्याएर अगाडि छिन् । उनले ६६ मतले अग्रता लिएकी छन् ।
उनलाई माओवादीकी निमलेकी शेर्पाले १९०६ मत ल्याएर पछ्याउँदा कांग्रेसकी पासाङदिकी शेर्पाले १२७८ मत ल्याएको छ ।
गौरीशंकर गाउँपालिकामा २०७९ को निर्वाचनमा कांग्रेस र माओवादीले गठबन्धन गरेका थिए । कांग्रेसबाट निर्वाचित उपाध्यक्षको निधनपछि भएको उपचुनावमा सबै पार्टी एकल प्रतिस्पर्धामा छन् । अब ७, ८ र ९ वडाका मात्रै मत गन्न बाँकी रहेको छ । ९ वटा वडा रहेको गौरीशंकरमा ७ हजार ५९० मत खसेको छ ।
प्रतिक्रिया दिनुहोस्