काठमाडौं, २३ फागुन । राष्ट्रपति निर्वाचनका लागि आज बिहान १० बजेदेखि दिउँसो २ बजेसम्म मनोनयन दर्ताको समय तोकिएको छ । नयाँ बानेश्वरस्थित संघीय संसद भवन परिसरभित्र स्थापना गरिएको निर्वाचन अधिकृतको कार्यालयमा उम्मेदवार दर्ता गर्नुपर्नेछ । राष्ट्रपतिको निर्वाचनका लागि उच्च अदालतको न्यायाधीशलाई निर्वाचन अधिकृत तोक्ने व्यवस्था ऐनमा गरिएको छ ।

राष्ट्रपति निर्वाचनमा प्रतिनिधिसभा सदस्य, राष्ट्रियसभा सदस्य र प्रदेशसभा सदस्यले मतदाता गर्ने छन् । सातै प्रदेशबाट प्रदेश सांसदमा ५५० जना, प्रतिनिधिसभामा २७५ जना र राष्ट्रिय सभाका ५९ जना सदस्यहरुले राष्ट्रपति निर्वाचनमा मतदाता गर्नेछन् । प्रतिनिधिसभा र राष्ट्रियसभाका एक सदस्यको मतभार ७९ हुनेछ ।

संघीय संसद्को एक सदस्यको ४८ मतभार हुनेछ । जसअनुसार प्रतिनिधिसभा र राष्ट्रिय सभाका ३३४ सदसस्यहरुको कुल मतभार २६ हजार ३ सय ८६ हुनेछ । यस्तै, ५५० प्रदेशसभा सदस्यहरुको कुल मतभार २६ हजार ४ सय रहनेछ । जसअनुसार जम्मा मतभार ५२ हजार ७ सय ८६ हुनेछ ।

यो मतभारमध्ये जसले ५० प्रतिशत मतभार कटाउँछ, उही उम्मेदवार राष्ट्रपतिमा निर्वाचित हुनेछ । संविधानको धारा ६२ मा राष्ट्रपतिको निर्वाचन सम्बन्धी व्यबस्था अनुसार, निर्वाचन आयोगले फागुन २९ गते राष्ट्रपतिको निर्वाचन गर्ने कार्यतालिका सार्वजनिक गरिसकेको   छ । फागुन २९ गते मंगलबार बिहान १० देखि दिउँसो ३ बजेसम्म नयाँ राष्ट्रपति चयनका लागि निर्वाचन हुनेछ । मतदान सकिएको एक घण्टापछि गणना हुनेछ । फागुन ३० गते बिहान मुलुकले नयां राष्ट्रपति पाइसक्नेछ ।