काठमाडौं २४ फागुनः  प्रमुख प्रतिपक्षी दल नेपाली कांग्रेसले नयाँ सत्ता समीकरण बनेसँगै मुलुक अस्थिरतातर्फ जानुको साथै जनमतको अपमान भएको जबाफमा प्रधानमन्त्री प्रचण्डले नयां गठबन्धन बन्ने वित्तिकै बेइमान भन्ने कुरा राम्रो लागेन ।प्रतिनिधिसभाको बिहीबारको बैठकमा सम्बोधन गर्दै नेपाली कांग्रेसका प्रमुख सचेतक रमेश लेखकले आफ्नो पार्टीभित्र प्रधानमन्त्री प्रचण्डले विश्वासघात गरेको बताए।

चुनावबाटै गठबन्धन गरेको स्मरण गराउँदै उनले यसलाई जनमतको पनि अपमान भएको बताए।

‘गठबन्धन भत्काउने भनेको यो कांग्रेसमाथि होइन, यो जनमतको पनि घोर अपमान हो। गठबन्धनमा भएका प्रतिवद्धता एकातिर छ, गठबन्धनका तर्फ नै अविश्वास व्यक्त भएर गतिविधि अघि बढे,’ उनले भने।

व्यक्तिगत रुपले हाम्रो सम्बन्ध यथावत रहेको भन्दै उनले भने, ‘यो सदनमा रहेका सबैप्रति मेरो व्यक्तिगत सम्मान छ। सबै साथीका प्रति सम्मान छ।’

राजनीति मर्यादा र सम्मानले मात्रै नभएको भन्दै गठबन्धनको मर्मविपरीत गठबन्धन भत्काएको आरोप लगाए।

‘अरु कुरा पनि चाहिन्छ भनेर उहाँले भनेको स्वीकार गर्दै प्रचण्डले गठबन्धनको मूल्य र मान्यतालाई भत्काएर, अविश्वसनीय ढंगले गठबन्धन तोड्नुभयो। त्यो हाम्रो निष्कर्ष हो,’ उनले भने।

‘नेपाली जनताको जनमतको अपमान गर्दै तथाकथित कारण निकाल्दै, अविश्वसनीय काम गरियो त्यसलाई कठोरतापूर्वक, निर्ममतापूर्व भन्नैपर्यो, यो राजनीतिक बेइमानी हो। भनिएको हो।’

उनले प्रधानमन्त्री प्रचण्डले सुनेको निष्कर्ष सहि भएको पनि बताए। आजै बिहान बसेको संसदीय दलको बैठकले प्रचण्डले राजनीतिक बेइमान गरेको निष्कर्ष निकालेको थियो।

सो बारे संसदमा बोल्दै प्रधानमन्त्री प्रचण्डले जिज्ञासा राखेका थिए।

उनको जिज्ञासा मेटाउँदै लेखकले भने, ‘प्रधानमन्त्रीज्यूले आज बिहान जे सुन्नुभयो त्यो सत्य हो। राजनीतिक इमान भएन, त्यही भएर बेइमानी भनिएको हो।
यस अघि संसदमा सांसदहरुको प्रश्नको जाबाफ दिन रोष्ट्रमा पुगेकाप्रधानमन्त्री पुष्पकमल दाहाल प्रचण्डले आफूले बेइमानी नगरेको दाबी गरेका थिए ।प्रमुख प्रतिपक्षी दल नेपाली कांग्रेसले आफूलाई राजनीतिक बेइमान भएको निष्कर्ष निकालेको भन्दै अरुसँग जानेबित्तिकै त्यस्तो नहुने जिकिर गरे।बिहीबार प्रतिनिधिसभा बैठकमा सम्बोधन गर्दै प्रधानमन्त्री प्रचण्डले भने, ‘आफूसँग हुँदा इमान, अरुसँग जाने बित्तिकै बेइमान भन्ने हुँदैन। सोझो भाषामा भन्न चाहन्छु, राजनीतिमा केही आशंका आएपछि यो भएको हो।’

साथै, उनले राजनीतिक प्रतिवद्धता र विकासप्रतिको छटपटिको कारणले मैले यो कदम सोचेरै यो कदम चालेको बताए।

‘कसैलाई मेरो कदम अस्थिर लाग्न सक्छ, भर्खरै मैले समाचारमा पढेँ। नेपाली कांग्रेसको संसदीय दल बसेर नै मलाई राजनीतिक बेइमान भनेर निष्कर्ष निकाल्नुभयो भन्ने पढेँ। यथार्थ के हो, अहिले नेपाली कांग्रेसका प्रतिनिधिले भन्नुहोला,’ उनले भने, ‘यसलाई मैले जसरी संक्षिप्तमा व्याख्या गर्ने कोसिस गरेँ, राजनीतिक प्रतिवद्धता र विकासप्रतिको छटपटीको कारणले मैले यो कदम सोचेरै चालेको छु।’नयाँ सत्ता समीकरणलाई इमान र बेइमान भन्दा पनि राजनीतिक मुद्दाको आधारमा हेर्नुपर्ने बताए।