गुल्मी,४ फागुन । राष्ट्रपति विद्यादेवी भण्डारीले गुल्मीको रुरु क्षेत्रको दर्शन तथा कालिगण्डगी नदिमा स्नान गर्नुभएको छ । गुल्मीको रिडिस्थित रुरु सँस्कृती तथा साधारण माविको सतबार्षिकीको उद्घाटन समारोहमा आएको अवसरमा उहाँले स्नान गर्नुभएको हो । विद्यालयको कार्यक्रममा बोल्दै उहाँले रुरु क्षेत्रको विकास गर्नुपर्ने बताउनुभयो ।

रुरु क्षेत्रको पौराणिक महत्व रहेको भन्दै उहाँले यसको विकास र संरक्षण गरेमा भातरिय र चिनिँया ब्यापारीहरुको ब्यापारको केन्द्र बन्न सक्ने बताउनुभयो । विभिन्न धार्मिक आस्था बोकेका मानिसहरु रुरु क्षेत्रमा बसोबास गर्नुले पनि यसको महत्वलाई थप उजागरण गरेको उहाँको भनाई छ ।

कालिगण्डगी नदि र रुरु क्षेत्र गुल्मी, पाल्पा र स्याङ्जा गरी तीन जिल्लाको धार्मिक एवम् पौराणीक क्षेत्र भएकोले यसको विकासमा सबैको ध्यान जानुपर्नेमा राष्ट्रपति भण्डारीले जोड दिनुभयो त्यसका साथै देशमा विद्यमान राजनीतिक स्थितिको अन्त्य गर्दै समग्र राष्ट्रको विकासमा सबै राजनीतिक दलको महत्वपूर्ण भूमिका हुने उहाँको भनाई छ ।