विराटनगर ११ माघ। कोशी प्रदेशबाट राष्ट्रियसभा सदस्यमा कृष्ण सिटौला विजयी भएका छन् ।
सिटौलाले राप्रपाका उद्धव पौडेललाई पराजित गरेका हुन् । सिटौलाका पक्षमा कांग्रेसका जम्मा दुई जना प्रदेश सभासदस्यले अन्तर्घात गरेपनि पराजय गराउन सकेनन् । कांग्रेस नेता डा. मिनेन्द्र रिजाल एमाले अध्यक्ष केपी ओलीको निर्देशनमा सत्ता गठबन्धनका उमेद्वार हराउन लागि परेका थिए । तर पनि उनी सिटौलालाई रोक्न भने सकेनन् । गत संघीय निर्वाचनमा कांग्रेसकबाट टिकट नपाएपछि मिनेन्द्र रिजाल विच्किएका हुन् । पछिल्लो पटक उनले शेखरु कोइरालासंग मिलेर कांग्रेका बागी केदारकार्कीलाई एमाले अध्यक्ष ओलीको सहयोगमा मुख्य मन्त्री बनाएका थिए । शुरु देखि नै रिजाल केन्द्रमा पनि ओलीसंग मिलेर नेकाको माओवादीसंगको गठबन्धन भत्काउन कोशिश गर्दै आएका छन् । रिजाल सिटौलाले देउवालाई समर्थन गरेको भन्दै उनी विरुद्ध लागेका हुन् ।

प्रदेशसभाको मतगणनामा राप्रपाका पौडेलसँग पछि परेका सिटौला स्थानीय तहतर्फको मत तानेर विजयी भएका हुन्।

सिटौलाको पक्षमा स्थानीय तहतर्फको १५३ मतभार र पौडेलको पक्षमा १०९ मतभार परेको छ।

प्रदेशसभाका ९३ सदस्यमध्ये सिटौलाले ४५ जनाको मत पाए। राप्रपाका पौडेलले ४७ मत पाए।

सत्तारुढ गठबन्धनको प्रदेशसभामा ४७ मत भए पनि २ जनले सिटौलालाई मत दिएनन्। एक मत बदर भयो।

स्थानीय तहतर्फ सिटौलाले १५३ मत प्राप्त गरे। राप्रपा उम्मेदवार पौडेलले १०९ मत प्राप्त गरे। स्थानीय तहतर्फ ४ मत बदर भएको छ।

यसमा स्थानीय तहतर्फ एमालेका केही मतदाताको पनि मत सिटौलालाई गएको बताइएको छ।
यस अघि कोशी प्रदेशका महिला कोटामा माओवादीकी चम्पा कार्की कांग्रेसको अन्तर्घातका कारण पराजय भएर एमालेकी रुक्मिणी कोइराला विजयी भएकी छन् ।