काठमाडौं १२ जेठ । नेकपा एमालेका अध्यक्ष केपी शर्मा ओलीले नक्कली भुटानी शरणार्थी प्ररणमा आफू नजिक रहेकालाई जबरजस्ती पोल्न लगाइएको बताएका छन्।

पार्टी कार्यालय, ललितपुरमा जारी अनुशिक्षणमा अध्यक्ष ओलीले शरणार्थी प्रकरणमा एमालेलाई मुछ्न बयानसमेत रोकिएको आरोप लगाए।

‘नक्कली भुटानी शरणार्थी प्रकरणमा एमाले, खासगरी मेरो नजिकका रहेका भनिएका मानिसहरूलाई कसरी नाम पोल्न लगाउनेरु कसरी नाम लेख्न लगाउनेरु कसरी नाम मुछ्न लगाउने र त्यो कसरी प्रचार गर्नेरु भयो,’ उनले भने, ‘प्रहरीकहाँ कसैले बयानमा नाम उच्चारण गर्‍यो भने अखबारमा सँगसँगै कसरी पुग्छ ? कहिलेकहिले अघिल्ला दिन अखबारमा पुग्छ, भोलिपल्ट बयानमा आउँछ, कस्तो तयारीसाथ भइरहेको छ।’

उनले सही गर्न नमान्दा, बयान रोकेर सही गराइएको पनि बताए।
ललितपुरको च्यासलस्थित पार्टी कार्यालयमा शुक्रबार एमालेबाट निर्वाचित जनप्रतिनिधिहरूलाई प्रशिक्षित गर्न आयोजित कार्यक्रममा अध्यक्ष ओलीले भने, ‘तपाईंहरू जिम्मेवारीमा हुनुहुन्छ । तपाईंहरू जवाफदेही र उत्तरदायी हुनुपर्छ । त्यसैले तपाईंहरूले समय खेर नफाल्नुहोला । आफूले आफूलाई हरेक समय सोधिरहनुहोला कि तपाईं यो बेला जहाँ हुनुहुन्छ, त्यहाँभन्दा अन्तै हुनु पो महत्वपूर्ण थियो कि ?’

अध्यक्ष ओलीले जनप्रतिनिधिको एक वर्ष बितिसकेको भन्दै अब साढे तीन वर्ष बित्न पनि धेरै समय नलाग्ने बताए । ‘हामीसँग धेरै समय छैन । परिस्थिति फेरिएको छ । त्यसैले बेलैदेखि हामीले उपलब्धिहरू, कामहरू देखिने गरी जनताको अघिल्तिर प्रस्तुत भएर जानुपर्छ,’ उनले भने ।

उनले उद्देश्यमा स्पष्ट योजना बनाएर बजेट निर्माण र योजनाअनुरुप काम गर्न जनप्रतिनिधिहरूलाई निर्देशन दिए । अध्यक्ष ओलीले जनप्रतिनिधिले नागरिकप्रति उत्तरदायी र जवाफदेही भएर प्रस्तुत हुनुपर्ने बताए ।

🔴स्थानीय तहका जनप्रतिनिधिका लागि अनुशिक्षण कार्यक्रममा केपी ओली ।। LIVE ।।

‘जनप्रतिनिधिले कार्यसम्पादन कसरी गर्ने, हाम्रो बोली चाली व्यवहार कस्तो हुनुपर्छ भन्ने कुराले हामीप्रति जनताले हेर्ने दृष्टिकोण बन्छ,’ ओलीले अघि भने, ‘हामीले नागरिकसँग, हामीसँग जोडिन आएका नयाँ मान्छेहरूसँग अनैतिक तरिकाले प्रस्तुत हुन मिल्दैन । त्यही बेलाको बोली र व्यवहारबाट हामीलाई नागरिकले हेर्ने दृष्टिकोण तय हुन्छ । तपाईंहरूले ख्याल गर्नुहोला ।’

त्यो नक्कली भुटानी शरणार्थी प्रकरणमा एमालेका र खासगरी मेराे नजिक रहेका भनिएका मान्छेहरूलाई कसरी नाम पाेल्न, कसरी नाम लेख्न, कसरी मुछ्न लगाउने र त्यो कसरी प्रचार गर्ने! पुलिसकहाँ कसैले नाम उच्चारण गर्याे बयानमा भने अखबारमा सँगसँगै कसरी पुग्छ?…’