काठमाडौं २१ बैशाख । नेपालीलाई नक्कली भुटानी शरणार्थी बनाएर ठगी गरेको प्रकरणमा अझै कम्तीमा १० पक्राउ पर्ने देखिएको छ।
जिल्ला प्रहरी परिसर काठमाडौंका प्रमुख एसएसपी दानबहादुर कार्कीले अझै १०र११ जना पक्राउ पर्न सक्ने बताएका हुन्।
‘अझै पनि १०र११ जना व्यक्तिहरू पक्राउ पर्नुपर्ने प्रारम्भिक अवस्थाको कुरा हो,’ उनले भने, ‘अरू व्यक्तिहरू पनि थप अनुसन्धानको क्रममा कति पर्छन्, बिचबिचमै भएकाले अहिले नै भन्न सकिन्न। अहिले हामीसँग ८ जना हुनुहुन्छ। उहाँहरूसँगको अनुसन्धानबाट खुल्न आएका विषयले हाम्रो अनुसन्धानको अगाडिको बाटो खुल्छ।’
उनका अनुसार यो प्रकरणमा प्रहरीले सुरूमा ठगीसम्बन्धी कसुरमा अनुसन्धान अघि बढाएको थियो। संगठित रूपमै ठगी गरेको पाइएपछि प्रहरीले यसलाई संगठित अपराधसम्बन्धी कसुरमा अनुसन्धान गरिरहेको छ।
परिसरले अहिलेसम्म यो प्रकरणमा आठ जनालाई पक्राउ गरेको छ। उनीहरूमाथि अनुसन्धान गरेको आज ४० औं दिन पुगेको छ।
संगठित अपराधमा प्रहरीले ६० दिनसम्म हिरासतमा राखेर अनुसन्धान गर्न पाउँछ।
प्रहरीले उनीहरूमाथि अनुसन्धान गर्न अझै २० दिन छ।
परिसरमा नक्कली भुटानी शरणार्थी बनाएर ठगी गरेको भन्दै प्रहरीमा २० वटा जाहेरी परेको थियो। जसमा एक सयभन्दा बढी पीडितको हस्ताक्षर रहेको एसएसपी कार्कीले बताए।अहिलेसम्म केशव दुलाल, सानु भट्टराई, टंककुमार गुरूङ, इन्द्रजित राई, टेकनारायण पाण्डे, सन्देश शर्मा, सागर राई र सन्दीप रायमाझी पक्राउ परेका छन्।
प्रचण्डलाई भेटेपछि ओलीले भने – ‘रायमाझीलाई बाटोबाटै पक्राउ गर्नु रहस्यपूर्ण’
अझै गहिरोसँग अनुसन्धान हुनुपर्छ कोही पनि नक्कली शरणार्थी प्रकरणका छुट्नु हुंदैन – गगन थापा
पूर्वमन्त्री टोपबहादुर रायमाझी प्रहरी नियन्त्रणमा, भैरहवाबाट काठमाडौं ल्याइँदै
तत्कालीन गृहसचिव टेकनारायण पाण्डे र दलाल केशव दुलालबीच लामो ‘च्याट’, नक्कली शरणार्थी प्रकरण
नक्कली भूटानी शरणार्थी बनाएर असुलीमा बादल–पत्नी र अख्तियार प्रमुखको पनि नाम पोले अभियुक्तहले
नक्कली भुटानी शरणार्थी प्रकरणको छानबिनमा सहयोग गर्छु : प्रतीक थापा
प्रतिक्रिया दिनुहोस्