काठमाडौं, १७ माघ । राष्ट्रिय पुनर्निमाण प्राधिकरणले चार किसिमका असहायलाई आफैँ घर बनाइदिने भएको छ ।

रकारले दिएको अनुदान उपयोग गरी घर बनाउन नसक्नेहरूलाई प्राधिकरण आफैँले घर बनाइदिने नीति अवलम्बन गरिएको प्राधिकरणका प्रमुख कार्यकारी अधिकृत (सीईओ) युवराज भुसालले जानकारी दिनुभयो ।

बुधबार काठमाडौमा पत्रकार सम्मेलन गर्दे प्राधिकरणले प्राधिकरणले ७० वर्ष नाघेका वृद्धवृद्धा, ६५ वर्ष नाघेका एक महिला, अपांग भएका र १६ वर्षमुनिका बालबालिका गरी चार प्रकारका भूकम्पपीडितको वर्गीकरण गरेको जनाएको छ ।

यी चार प्रकारको वर्गीकरणमा परेका र उनीहरूलाई सहायता दिने अरू मान्छे नभएको अवस्थामा प्रधिकरणले घर निर्माण गर्नेछ । यस्ता पीडितलाई प्राधिकरणले एक तले घरमा दुईदेखि तीन कोठेसम्मको घर बनाइदिने प्रतिवद्धता जनाएको छ।

पुनर्निर्माण प्रधिकरणले आगामी असार मसान्तभित्र तेस्रो किस्तावापतको रकम पनि वितरण गरिसक्ने लक्ष्य राखेअनुरूप यही समयभित्र यस्ता घर निर्माण गर्ने लक्ष्य राखेको जनाएको छ । भुसालले भूकम्पपीडितलाई थप एक लाख दिने सरकारको निर्णय आधिकारीक रुपमा प्राधिकरणमा नआएको दाबी गर्नुभयो ।

यस्तै पुनर्निर्माण प्राधिरकणले जोखिमपूर्ण वस्तीमा रहेका तर जोखिम नभएको स्थानमा पीडितको जग्गा नभएका जग्गा किन्न दुई लाख रुपैयाँ उपलब्ध गराउने भएको छ । सीईओ भुसालका अनुसार अहिले रहेको स्थान जोखिमपूर्ण भएको र जोखिम नभएको क्षेत्रमा जग्गा नभएका पीडितलाई दुई लाख रुपैयाँ जग्गा किन्नलाई रकम उपलब्ध गराइनेछ ।