काठमाडौं ३० फागुन । प्रधानमन्त्री पुष्पकमल दाहाल प्रचण्डले नेपालको पूर्वाधार विस्तारमा चिनियाँ लगानीको अपेक्षा रहेको बताएका छन्।
पूर्वाधार विस्तारमा चिनियाँ सहयोग रहदै आएको बताउँदै उनले अति कम विकसित राष्ट्रबाट नेपाल स्तोरोन्ति हुँदै गरेको सन्दर्भमा पूर्वाधार विस्तारको आवश्यकता रहेको बताए।
मंगलबार नेपाल उद्योग परिसंघ ९सिएनआई० र चाइना काउन्सिल फर प्रमोसन अफ इन्टरनेसनल ट्रेडले आयोजना गरेको नेपाल चाइना विजनेश फोरममा उनले यस्तो बताएका हुन् ।
प्रधानमन्त्री प्रचण्डले चीन नेपालको लागि दोस्रो ठूलो व्यापार साझेदार र प्रत्यक्ष वैदेशिक लगानी प्रतिवद्धतामा पहिलो राष्ट्र रहेको भन्दै नेपाल चीनको आर्थिक सम्बन्ध थप मजबुत बनाउनु पर्ने बताए।
उनले नेपाल र चीनबीचको व्यापारमा असन्तुलन बढी भएकोमा चिन्ता व्यक्त गरे।
नेपालमा लगानी विस्तार गर्नको लागि चिनियाँ लगानीकर्तालाई प्रधानमन्त्री प्रचण्डको आग्रह छ।
उनले सरकारले लगानीलाई प्रोत्साहन गरेको, लगानीमैत्री काननुनहरू रहेको बताए। नेपालमा लगानी गर्नसमेत उनले आग्रह गरे। ऊर्जा, उत्पादनमुलक उद्योग तथा खानी क्षेत्रमा लगानी गरेर लाभ उठाउन सक्ने प्रधानमन्त्री प्रचण्डको भनाइ छ।
नेपालमा नीतिगत र राजनीतिक स्थिरता कायम हुने उनले बताए। ‘व्यवसाय र लगानीमैत्री वातावरण छ। हाम्रो करको दर अन्य मुलुकको तुलनामा कम छ। व्यवसायमा लाभांशको दर राम्रो छ,’ उनले दाबी गरे।
प्रधानमन्त्री प्रचण्डले नेपालले विदेशी लगानीमा थप सुधार गरेको बताए। नेपाल(चीन क्रसबोर्डर ुइकोनोमिक जोनु बनाउन दुई देशबीच छलफल भइरहेको, रेलवे लाइन जोड्न काम भइरहेको बताए।
नेपालका लागि चिनियाँ राजदूत छन् सोङले चीन नेपालको सबैभन्दा ठूलो विदेशी लगानी पठाउने मुलुक भएको बताए।
चीन नेपाल सहकार्यको बृहत अवसर सृजना गरेको उनको भनाइ छ। चिनियाँ प्रधानमन्त्रीले चीनले सुधारलाई अझै गहिरो बनाउँदै गरेको र थप खुला बनाउने उल्लेख गरे।
नेपाल उद्योग परिसंघका अध्यक्ष विष्णु अग्रवालले नेपालमा चिनियाँ लगानी र सरकारको सहयोगले नेपालको विकासमा महत्वपूर्ण रहेको बताए। पूर्वाधारमा चीनको लगानी निकै महत्वपूर्ण भएको पनि उनले बताए।
सिसीपीआइटीका उपाध्यक्ष झाङ साओगाङले दुई मुलुकबीचको व्यापार र लगानीको वातावरण अझै गहिरो बनाउनुपर्ने उनले बताए।