पोखरा २८ मंसिर । माओवादी केन्द्रका अध्यक्ष पुष्पकमल दाहाल प्रचण्डले ले सत्तारुढ गठबन्धनले नै नयां सरकार बनाउने बताएका छन् । अहिले सरकार कसको नेतृत्वमा बन्ने भन्ने विषयले प्रवेश नपाइसकेको भन्दै प्रचण्डले आवश्वक परे माओवादीले पनि सरकारको नेतृत्व लिने अवस्था आउने बताए ।

आफ्नो जन्मठाउँ कास्कीको अन्नपूर्ण गाउँपालिकाको श्री महेन्द्र  विद्यालयको कार्यक्रममा आएका दाहालले बुधबार बिहान पोखरामा पार्टीका केन्द्रीय सदस्य र गण्डकी प्रदेशका पदाधिकारीको बैठकलाई सम्बोधन गर्दै निर्वाचन परिणामबाट नहतासिन आग्रह गरेका थिए ।
सरकार गठबन्धनकै हुन्छ,’ उनले भने, ‘अहिले सरकार गठनको विषय चलिरहेको छ । तर नेपाली कांग्रेसको संसदीय दलको नेता को हुन्छ भन्ने विषय महत्त्वपूर्ण रहेको छ ।’ कांग्रेस दलको नेता चुनिएपछि सरकार गठनको विषयले तीव्रता लिने र आइपरे माओवादी सरकारको नेतृत्व गर्न तयार हुनुपर्ने दाहालले बताएका बैठकमा सहभागी एक माओवादी नेताले बताए । उनले आफ्नो जन्म गाउंको विद्यालयको महोत्सवको उद्घाटन गर्दै विद्यालयको स्तर बृद्धिमा सघाउने प्रतिवद्धता जनाएका छन्।