काठमाडौँ, ३० बैशाख । काठमाडौं महानगरपालिकाको मेयरका उम्मेदवार बालेन शाहले आफूले जित्नेमा ढुक्क रहेको बताउनुभएको छ ।
गैरीगाउँस्थित केन्द्रमा मतदान गरेपछि सञ्चारकर्मीसँग कुरा गर्दै उहाँले आफूले पाउने मत अरु बढ्ने समेत दाबी गर्नुभयो । उहाँले भन्नुभयो, ‘अरु कसैले हार्नेभन्दा पनि हामीले जित्ने हो, मेरो प्रतिस्पर्धा कसैसँग होइन । म नगरबासीको काम गर्न मेयरमा उठेको हुँ ।’
शाहले काठमाडौंको मेयर बनेर काम गर्नु आफ्ना लागि सजिलो काम भएको समेत बताउनुभयो । आफू विजयी भएमा नगरवासीको दैनिकीलाई सहज बनाउने काममा नै केन्द्रित हुने बताउनुभयो। ‘हामीले गर्ने काम सिस्टममा हुनेछ, कसैले दुःख पाउनु पर्दैन,’ उहाँले भन्नुभयो ।
प्रतिक्रिया दिनुहोस्