काठमाडौँ, ३० बैशाख । स्थानीय तह निर्वाचनमा आफूले गरेको मतसंकेतसमेत सार्वजनिक गरेका जनता समाजवादी पार्टीका संघीय परिषद अध्यक्ष डा. बाबुराम भट्टराईले मतदान गोप्य नै हुनुपर्छ भन्ने सिद्धान्न नभएको प्रष्टिकरण दिनुभएको छ ।

उहाँले शुक्रबार बिहान गोरखाको पालुङटार नगरपालिका-१ अन्नपूर्ण मावि मतदान केन्द्रमा मतदान गर्नुभएको थियो । जसमा उहाँले आफूले गरेको मतसंकेत समेत देखिने गरी तस्वीर सार्वजनिक गर्नुभएको थियो । बाबुरामले मतपत्र देखाएको भन्दै आलोचना भएपछि उहाँले आफ्नो विचाररमत खुला रुपमा व्यक्त गर्न पाउनुपर्ने बताउनुभयो । ‘लोकतन्त्रको आधार भनेको व्यक्तिले आफ्नो विचाररमत खुला रूपमा व्यक्त गर्न र प्रचारप्रसार गर्न पाउनु हो । मतदान गोप्य नै हुनुपर्छ भन्ने कुनै सिद्धान्त हुदैन’ उहाँले ट्विटरमा लेख्नुभएको छ।

भट्टराईले अघि भन्नुभएको छ, ‘गोप्य मतदान भनेको कसैले आफ्नो मत गोप्य राख्न चाहन्छ भने उसलाई त्यो छुट दिने भनेको हो । तर कसैले खुला गर्छ भने रोक्ने भनेको हैन !’