काठमाडौँ, ३० बैशाख । प्रधानमन्त्री शेरबहादुर देउवाले स्थानीय तह निर्वाचन हुँदैन भन्ने नेकपा एमाले अध्यक्ष केपी शर्मा ओली गलत सावित भएको बताउनुभएकाे छ । डडेल्धुराको गन्यापधुरा-१ मा पर्ने रुवाखोलाको अशिग्राम मावि मतदानस्थलमा मतदानपछि उहाँले चुनाव नहुने भन्दै आएका ओली स्वयम् निर्वाचनमा सहभागी भएको बताउनुभएकाे हाे।
‘ओलीले चुनाव हुँदैन-हुँदैन भन्थे। तर, आज उनीहरु नै चुनावमा सहभागी भएका छन्,’ नेपाली कांग्रेसका सभापतिसमेत रहनुभएका देउवाले भन्नुभयाे। उहाँले निर्वाचन भएपछि लोकतन्त्र सुनिश्चित भएको पनि बताउनुभयाे। स्थानीय तह निर्वाचनमा मतदान गर्न प्रधानमन्त्री देउवा कैलालीको धनगढीबाट नेपाली सेनाको हेलिकोप्टरबाट रुवाखोलाका पुग्नुभएकाे थियाे। उहाँले बिहान ९ बजेर ५५ मिनेट जाँदा मतदान गर्नुभएकाे थियाे।
प्रतिक्रिया दिनुहोस्