काठमाडौँ, २० बैशाख । नेकपा (एमाले) का अध्यक्ष केपी शर्मा ओलीले दुबै निर्वाचनमा पाँच दलीय गठबन्धनसँग एमाले प्रतिस्पर्धा गर्न इच्छुक रहेको बताउनुभएको छ । गृहजिल्ला झापाको हल्दिबारी गाउँपालिकामा आयोजित चुनावी सभालाई सम्बोधन गर्दै उहाँले दुवै निर्वाचनमार्फत एमालेले पाँच वटै दललाई पत्तासाफ गर्ने दाबी गर्नुभयो ।
पूर्वप्रधानमन्त्री समेत रहनुभएका ओलीले गठबन्धन टुट्ने हो कि भन्ने डर आफूलाई रहेको व्यंग्य गर्नुभयो ।
गठबन्धनका कारण एमालेलाई धेरै फाइदा पुगेको ओलीको टिप्पणी छ । पाँच दल मिल्दा पनि एमालेलाई हराउने हिम्मत गठबन्धनसँग नभएकोले वैशाख ३० को निर्वाचनमा एमालेको बहुमत आउने उहाँको भनाई छ ।
प्रतिक्रिया दिनुहोस्