काठमाडौँ, १५ बैशाख । संयुक्त राष्ट्रसंघका महासचिव एन्टोनियो गुटेरेसले रुसलाई सम्भावित युद्ध अपराधको विषयमा रुसमाथि अनुसन्धान गर्न अन्तर्राष्ट्रिय फौजदारी अदालत आईसीसीसँग आग्रह गर्नुभएको छ ।

रुसले युक्रेनमा आक्रमण गर्दा भएको सम्भावित युद्ध अपराधको अनुसन्धानका लागि महासचिव गुट्रेसले आईसीसीसँग आग्रह गर्नुभयो । युक्रेन युद्धग्रस्त शहर बुचाको भ्रमणका क्रममा गुट्रेसले सबैभन्दा नराम्रो अपराध युद्ध नै हो भन्दै रुसले अनुसन्धानका लागि सहयोग गर्नुपर्नेमा जोड दिनुभयो । साथै उहाँले युद्धलाई अस्वीकार्य र ‘२१ औं शताब्दीमा बेतुकका कुरा’को संज्ञा दिनुभयो । यसैबीच, युक्रेनी सहर मारिउपोलका स्थानीय अधिकारीहरूले सहरको धेरैजसो भागमा भयावह अवस्था उत्पन्न भएको बताएका छन् ।

हजारौं शवहरू संकलन हुन नसकेको तथ्यलाई ध्यानमा राख्दै महामारीको जोखिममा रहेको चेतावनी दिएका छन् । हप्ताको भारी लडाइँ र केन्द्रीकृत पानी आपूर्तिको अभावको बावजुद करिब एक लाख मानिसहरू अझै पनि शहरमा फसेको जनाइएको छ । बिहीबार त्यहाँको नगर परिषद्ले हैजा, पेचिश र एस्चेरिचिया कोलाईको जोखिम रहेको चेतावनी दिएको छ । मारिउपोलका मेयर भाडिम बोयचेन्कोले त्यहाँ फसेको मानिसहरूलाई खाना, पानी र औषधि उपलब्ध गराउन सक्ने अबस्था नरहेको बताउनुभएको छ ।

अत्यावश्यक वस्तु अभावको विषयलाई मध्यनजर गर्दै तत्काल र पूर्ण निकासी आवश्यक रहेकोमा उहाँको जोड छ । (एजेन्सी)