काठमाडौँ २१ चैत्र । नेपालका लागि भारतीय राजदूत विनयमोहन क्वात्रा भारत सरकारको विदेश सचिवमा नियुक्त भएका छन् । क्वात्राको नियुक्तिबारे सोमबार भारत सरकारले प्रेस वक्तव्य मार्फत सर्वजनिक गरेको हो ।

क्वात्रा सन् १९८८ देखि कूटनीतिक सेवामा प्रवेश गरेका थिए । क्वात्राले यसभन्दा पहिले भारत सरकारको विदेश मन्त्रालय र प्रधानमन्त्री कार्यालयमा सहसचिवको रुपमा महत्वपूर्ण जिम्मेवराी सम्हालिसकेका छन् । २०१० देखि २०१३ सम्म उनले अमेरिकास्थित भारतीय दूतावासमा पनि काम गरेका थिए भने २०१३ को जुलाइदेखि २०१५ अक्टोबरसम्म क्वात्राले विदेश मन्त्रालयको नीति योजना र अनुसन्धान विभाग साथै विदेश मन्त्रालयस्थित अमेरिका डिभिजन प्रमुखको रूपमा कार्यरत थिए । अमेरिका र क्यानडासँग भारतको सम्बन्ध विस्तारमा त्यस अवधिमा हालका विदेश मन्त्री एस जयशंकर र कत्रात्राको भूमिका उल्लेखनीय बताइन्छ ।

क्वात्रासँग भारतको विदेश नीति निर्माणसमेत उल्ल्ेखनीय योगदान रहंदै आएको छ । ३० वर्षभन्दा लामो पेशागत अनुभव रहेका क्वात्रा २०२० को जनवरीमा नेपालका लागि राजदूतको रुपमा नियुक्त भएका थिए । उनको नेपाल कार्यकालस सफल रहेकोमा मोदी प्रशासन प्रसन्न देखिन्छ । क्वात्रा मोदीको नीति निर्माण तहको कोर समूहभित्रका कुटनीतिज्ञ मानिन्छन् । उनी प्रचारभन्दा परिणममुखी कुटनीतिज्ञ हुन् । उनले यही महिना अप्रिल ३० तारिखदेखि विदेश सचिवको पद बहाल गर्नेछन् । क्वात्राले हर्षवर्धन श्रृंगलालाई विस्थापित गर्दैछन् । त्यसअघिका विदेश सचिव हाल विदेश मन्त्री रहेका छन् ।
भारतमा प्रधानमन्त्री कार्यालयको प्रमुख सचिवसंगै विदेश सचिव महत्वपूर्ण पद हो ।