काठमाडौं । राष्ट्रिय प्रजातन्त्र पार्टीका अध्यक्ष राजेन्द्र लिङदेनले आगामी दिनमा पार्टीलाई सडक र निर्वाचन दुवै मोर्चामा सशक्त ढंगले प्रस्तुत गर्ने बताउनुभएको छ । बुधवार पार्टी कार्यालयमा आयोजित मनोनित पार्टी सदस्यहरुलाई शपथ ग्रहण गराउ“दै अध्यक्ष लिङदेनले आफूमाथि मनोनयनमा पक्षपात गरेको आरोप लगाइरहे पनि निष्पक्ष ढंगले पार्टी सदस्यहरु मनोनित गरेको बताउनु भएको हो । आगामी दिनमा पार्टीलाई सडक र निर्वाचन दुवै मोर्चामा सशक्त ढंगले प्रस्तुत गर्ने बताउ“दै अध्यक्ष लिङदेनले पार्टीले राजसंस्था र हिन्दु राज्य पुनःस्थापनाको मुद्दास“गै भ्रष्टाचार, जनजीविका र रोजगारीस“ग सम्बन्धित अन्य मुद्दासमेत लिएर अघि बढ्ने स्पष्ट पार्नुभयो ।

उहा“ले पार्टीमा मनोनीत सदस्यहरुको परिपूर्ति अहिले नै भइनसकेकोले अबका दिनमा लैङ्गिक, समावेशी र समानुपातिकताका हिसावले गरिने जानकारी समेत दिनुभयो । उहा“ले पार्टीमा महिलाको संख्यालाई संविधानबमोजिम पूर्ण गरेर जाने बताउनु भयो । अध्यक्ष लिङदेनले राजसंस्था र हिन्दुराज्य अहिले जनताको बीचमा लोकप्रिय मुद्दा बनेकोले अबका दिनमा यसलाई आफ्नो मुल मुद्दाको रुपमा लिइएको भए पनि जनताले पत्याउने ढंगको रणनीति नहु“दा विगतका कमजोरीलाई सच्याउ“दै अघि बढ्ने बताउनुभयो ।