पुस २३ । माइकल वूल्फद्वारा लिखित फायर एण्ड फ्युरी’ नामक पुस्तकमा आफ्नो आलोचना गरिएपछि राष्ट्रपति ट्रम्पले आफ्नो मानसिक स्थिरता आफ्नो सबैभन्दा ठूला सम्पत्ति मध्येमा पर्ने भन्दै पुस्तकलाई काल्पनिक कथाको संज्ञा दिएका हुन् । पुस्तकबारे चलिरहेको विवादले सन् २०१८ मा रिपब्लिकन पार्टीले उठाउने मुद्दाबारेका वार्तालाई छायामा पारिदिएको छ । उनले पुस्तकका लेखकलाई धोकेबाजको संज्ञा दिएका छन् ।

पार्टीका वरिष्ठ नेताहरूसँगको बैठकपछि क्याम्प डेविडमा आयोजित पत्रकार सम्मेलनमा उनले वूल्फद्वारा लिखित पुस्तकका विवरण काल्पनिक भएको बताए । साथै उनले आफू विश्वका उत्कृष्ट विश्वविद्यालयमा गएको र टेलिभिजनमा व्यापक सफल भएको बताएका छन् । उनले रूससँग साठगाँठ भएको भन्ने आरोपको पुनः प्रतिवाद गरेका छन् । यसअघि श्रृखंलाबद्ध ट्विटर सन्देशहरूमा उनले आफू स्थिर र प्रतिभाशाली व्यक्ति भएको बताएका थिए ।

उनले रुसले चुनावमा हस्तक्षेप गरेको भनिएका आरोप पूर्ण रुपमा गलत भएको थाहा पाएर डोमोक्र्याटहरुले आफ्नो मानसिक स्थिरतामाथि प्रश्न उठाइरहेको जनाए । ट्रम्पकका वकिलले फायर एण्ड फ्युरी नामक उक्त पुस्तकको प्रकाशन रोक्न खोजेका थिए । तर पूवनिर्धारित मितिभन्दा अघि शुक्रवार सार्वजनिक गरिएको थियो भने यो पुस्तक अहिलेसम्मकै सर्वाधिक विक्री भईरहेको छ ।