नवलपरासी, १३ मंसिर । साउथ एशिया फाउन्डेसनका महासचिव राहुल बरूवाले नवलपरासी देबचुली नगरपालिका रजहरमा रहेको सामुदायिक प्राकृतिक चिकित्सालयलाई साउथ एशियाकै नमुना अस्पताल बन्न सक्ने बताउनु भएको छ ।

सामुदायिक प्राकृतिक चिकित्सालयको अवलोकनको क्रममा महासचिव बरूवाले समुदायले सञ्चालन गरेको ब्यवस्थित अस्पताल देख्दा आफु खुसी भएको बताउनु भएको हो ।

यस्तो प्राकृतिक अस्पताललाई सरकार बिषेश ध्यान दिएको खण्डमा नेपालकै मात्र नभएर बिश्वकै नमुना अस्पताल बन्ने उहाको भनाइ थियो । यस्तै बरूवाले चिकित्सालयले बिरामीलाई दिइरहेको सेवा सुबिधा र ब्यवस्थापन, भौतिक पुर्बाधार देखेर प्रभावित भएको बताउदै चिकित्सालयलाई साउथ एशियाकै नमुना संस्थाको रुपमा परिचित गराउनका लागि चिकित्सालयमा थप सेवा सुबिधा, भौतिक पुर्बाधारको बिकासको लागि सहयोग गर्ने प्रतिवद्धता समेत व्यक्त गर्नु भएको थियो ।

सामुदायिक प्राकृतिक चिकित्सालयको अबलोकन गर्न पुग्नु भएको महासचिव बरूवा र साउथ एशिया फाउन्डेसनकी प्रोजेक्ट अफिरस डेसी सुवाललाई चिकित्सालय ब्यवस्थापन समितिका अध्यक्ष सन्त बहादुर क्षेत्री, ब्यवस्थापक हरि सापकोटा, चिकित्सालयका निर्देशक डा.विनोद पौडेल,सचिव प्रदिप घिमिरे,पबिन्द्र जि.सि,चन्द्र तिवारी,पवन बुढाथोकी लगायतले स्वागत गर्नु भएको थियो ।

अस्पतालको अबलोकन पश्चात चिकित्सालयले दिइरहेका सेवा सुबिधा,भौतिक पुर्बाधारको बारेमा महासचिव बरूवालाई जानकारी लिनुभएको थियो ।