बुटवल, ३ बैशाख । बांके प्रहरीले नेपालगञ्जस्थित कमला मिडिसिन ड्रग हाउसले सरकारी अनुदानको सेनेटाईजर बिक्री गरेको आरोपमा पसलमा छापा मारेको छ । सरकारले निःशुल्करुपमा उपलब्ध गराएको सेनिटाइजर बिक्रि बितरण गरिरहेको सुचनाका आधारमा बाँके प्रहरीले मंगलवार राती ड्रग हाउसमा छापा मारेको हो ।
ड्रग हाउसले नेपाल सरकार, स्वास्थ्य तथा जनसख्या मन्त्रालयले निःशुल्करुपमा उपलब्ध गराएको एसआर केयर हयाण्ड स्यानिटाइजर ५०० एमएलको प्रति शिशि ६ सयमा बिक्री बितरण गरेको भेटिएपछि पसलमा छापा मारेको प्रहरीले जनाएको छ । सेनिटाईजर ब्यक्तिलाई बेचिएको हो वा स्थानीय तहलाई सो बिषयमा अनुसन्धान भईरहेको बांके प्रहरी प्रमुख प्रहरी उपरिक्षक बिर बहादुर वलीले जानकारी दिनु भयो । सरकारले तोके बमोजिम स्थानीय तहलाई बाहेक ब्यक्ती वा ब्यवसायीक निकायलाई बिक्री बितरण गरेको पाईए कारवाहि गरिने एसपि वलीले बताउनु भयो ।
सुर्खेत रोडमा रहेको होटेल कृष्णा सिग्नेट होटेलका मालिकसमेत रहेका दीपेन्द्र अग्रवालले सञ्चालन गरेको ड्रग कम्पनीले लामो समयसम्म नेपालका बिभिन्न जिल्लामा औषधी सप्लाई गर्ने गर्दछ ।
एसआर नामक ड्रग कम्पनीले सरकारलाई शिशि बाहिर मुल्य नै नराखेर नटफर सेलसमेत लेखेको र निःशुल्करुपमा दिएको एसआर केयर नामक स्यानीटाईजर कमला मिडिसिनमार्फत अबैधरुपमा बिक्रि बितरण भएको समाजिक सञ्जालमा पोष्ट भएपछि प्रहरीले अनुसन्धान सुरु गरेको बताईएको छ । एसपी वलीले पसल सिल गरेको समाचार गलत भएको भन्दै अनुसन्धानको चरणमा सेनेटाईजर सप्लाई वा बिक्री नगर्नु मात्र भनिएको बताउनु भयो ।