बुटवल, ३० चैत्र ।
कोरोना भाइरसको उपचारका लागि बुटवलको धागो कारखानामा स्थापना गरिएको कोरोना बिशेष अस्थायी अस्पताल, आजबाट भेन्टीलेटर जडित आईसियु सेवा सहित संचालनमा आएको छ । कोरोना भाईरसले बिश्वब्यापी रुप ग्रहण गरेसंगै बुटवल उपमहानगर पालिका र लुम्बिनी प्रादेशीक अस्पतालले संयुक्त रुपमा बन्द अवस्थामा रहेको धागो कारखानालाई कोरोना बिषेश अस्थायी अस्पतालकारुपमा संचालन गरेका थिए ।
सुरुमा भेन्टीलेटर सहितको आईसियु कक्ष बिना नै अस्पताल संचालन गरिएपनि अस्पताल संचालनमा आएको २० दिन पछि अस्पतालमा सुबिधासम्पन्न आईसियु कक्ष सहित अस्पताल संचालनमा आएको छ । अस्पतालको आईसियु कक्षको आज प्रदेश ५ सरकारका मुख्यमन्त्री शंकर पोखरेलले अनौपचारीकरुपमा उदघाटन गर्नुभएको छ । औपचारिक कार्यक्रम बिना मुख्यमन्त्री पोखरेलबाट अस्पताल संचालनको शुभकामना दिएर आईसियु कक्षको उदघाटन गरिएको थियो ।
उदघाटन कार्यक्रमलाई सम्बोधन गर्दै मुख्यमन्त्री पोखरेलले कोरोनासंग लड्ने मुख्य उपाए लकडाउनको पालना गर्ने र सामाजिक दुरी कायम गर्नु नै भएको बताउनु भयो ।  उहांले प्रदेश नम्बर ५ का ४ स्थानमा आईसियु कक्ष सहितको बिशेष अस्पताल तयार भईसकेको जानकारी समेत दिनुभयो ।
प्रदेशसमा रुपन्देहीमा २, दाङ र नेपालगन्जमा १, १ कोरोना बिशेष अस्पताल संचालनमा आएकाछन् ।
कार्यक्रममा लुम्बिनी प्रादेशसिक अस्पताल बिकास समितीका अध्यक्ष सुर्य भट्टराईले अस्पताल निर्माणमा सहयोग गर्ने दाताहरुको बिवरण प्रस्तुत गर्दै सबैलाई धन्यबाद ब्यक्त गर्नुभएको थियो ।
४ वटा भेन्टीलेटर र ८ वटा आईसियु बेड राखिएको अस्पतालको आइएसियु कक्षमा निकट भबिश्यमा २० वटा आईसियु बेड राखिने लुम्बिनी प्रादेशीक अस्पतालका मेडिकल सुपरिटेण्डेन्ट डाक्टर राजेन्द्र खनालले जानकारी दिनु भयो ।
सरकारले २५ जना भन्दा बढीको समुह भेला नहुने र सामाजिक दुरी कायम राख्न भने पनि कार्यक्रममा सयौंको संख्यामा आमन्त्रीत गरिनुकासाथै सामाजिक दुरी कायम गरिएको थिएन ।