अर्थ एवं सञ्चार तथा सूचना प्रविधि मन्त्री युवराज खतिवडाले कोरोना भाइरसको सङ्क्रमण रोकथाम सरकारको मात्र नभई सबैको दायित्व भएको बताउनुभएको छ ।

कोरोना रोगको सङ्क्रमण रोकथाम गर्न चालेका कदमले अर्थतन्त्रमा पारेको प्रभाव तथा आगामी दिनमा चाल्नुपर्ने कदम सम्बन्धमा राष्ट्रिय योजना आयोगका पूर्वउपाध्यक्षहरू तथा स्वास्थ्य विज्ञसँग आज अर्थ मन्त्रालयमा भएको छलफलमा अर्थमन्त्री खतिवडाले साझा समस्यालाई साझा रूपमै समाधान गर्नुपर्ने समय आएकाले सबै जना आ–आफ्नो क्षेत्रमा जिम्मेवार हुनुपर्ने धारणा ब्यक्त गर्नुभयो । मन्त्री खतिवडाले राष्ट्रिय सोच र दृष्टिकोणलाई एकताबद्ध गर्दै संघीय सरकारले सबै राजनीतिक दल, सबै तहका सरकार र निजी क्षेत्रसँग छलफल र समन्वय गरी कोरोनाको सङ्क्रमण रोकथाम तथा लक्षित वर्गसम्म राहत र्पुयाउने कामलाई प्राथमिकतामा राखेको बताउनुभयो ।

सरकारले समयमा नै चालेको कदमबाट हालसम्म सङ्क्रमित व्यक्तिको संख्या सानो रहेको र यसलाई अन्तर्रािष्ट्रय क्षेत्रबाट पनि सराहना गरिएको बताउनुभयो । संघीय संरचना अनुरूप जनप्रतिनिधिहरूको उपस्थितिले अहिले कोरोना जोखिम न्यूनीकरण गर्ने कार्य सहज भएको उहाले बताउनुभयो । कार्यक्रममा राष्ट्रिय योजना आयोगका पूर्वउपाध्यक्षहरू शंकर शर्मा, जगदीशचन्द्र पोखरेल, दिनेशचन्द्र देवकोटा, स्वर्णिम वाग्ले र मीनबहादुर श्रेष्ठ, स्वास्थ्यविज्ञ डा. अर्जुन कार्कीलगायतले आ–आफ्नो धारणा राख्नु भएको थियो ।