नेपाली कलाकार अनमोल केसीसँग अनुहार मिलेको भन्दै चर्चामा आएका नेपाली युवा अभिषेक श्रेष्ठ आफ्नै क्षमताले नृत्य र अभिनयको क्षेत्रमा अगाडि बढेका छन् । हालै भारतीय चर्चित कलाकार तथा टिभी पर्सनालिटी रणविजय सिंहाको चर्चित शो स्क्वायडरनमा आफ्नो नृत्यकला प्रदर्शन गरेका अभिषेक श्रेष्ठले व्यवसायिक रुपमा नै कला क्षेत्रमा अगाडि बढ्ने योजना बनाएका हुन् ।

नेपालको चर्चित नृत्य प्रतियोगिता वाईवाई लिटल च्याम्पसमार्फत अगाडि आएका अभिषेकले त्यसको ६ बर्षपछि नृत्य र अभिनयको क्षेत्रमा व्यवसायिक रुपमा लाग्ने योजना बनाएका हुन् । तराई टेलिभिजनमा प्रशारित वाईवाई लिटल च्याम्पसमा अभिषेक सेकेण्ड रनरअप भएका थिए । सन् २०११ मा भएको कार्यक्रममा नायक श्रीकृष्ण श्रेष्ठले अभिषेकलाई यसरी अगाडि बढ्दै गएमा नेपाली चलचित्र उद्योगको राम्रो नायक बन्ने बताएका थिए । नायक श्रीकृष्ण श्रेष्ठले के भनेका थिए ? अभिषेकको नृत्य कस्तो थियो ? हेर्नुहोस् भिडियो । 

त्यसपछि विभिन्न कार्यक्रममा एमसी र डान्सरका रुपमा सहभागी भएका उनले पढाईलाई नै बढी जोड दिदै आएका थिए । लिटल एन्जेल्स कलेज हात्तिबनबाट १२ कक्षाको अध्ययन पूरा गरेपछि ब्रिटिस कलेजमा आईटीमा अध्ययन सुरु गर्नु अगाडिको समय उनले आफ्नो क्षमता प्रष्फुटनतिर लगाएका छन् ।

वाईवाई लिटल च्याम्पसमा अभिषेकलाई सेकेण्ड रनर अप घोषणा गरिदै

भारतीय कार्यक्रमहरुका लागि नेपाली कलाकारहरु छनौट गरेर क्षमता प्रदर्शनको अवशर प्रदान ब्लिंक ट्यालेन्ट मेनेजमेन्टमा झण्डै २ महिने तालिम लिइरहेका अभिषेकले सोही कम्पनीमार्फत नै भारतीय शो स्क्वायडरनका लागि नृत्य गरेका थिए । मुम्बईको धानुबाट उनले शोका लागि कुशल नृत्य प्रदर्शन गरेका थिए । हाल उनले ब्लिंक ट्यालेन्ट मेनेजमेन्टमार्फत फेशन, मेकअप र फिटनेशका टिप्सहरु लिइरहेका छन् । केहीदिन अगाडि भारतीय रोडिज विनर श्वेता मेहताले नेपाल आएर उनलाई फिटनेशका टिप्स दिएकी थिइन् भने बलिउड कलाकारका मेकअप आर्टिस्टहरु आएर समेत मेकअपका टिप्सहरु दिइसकेका छन् ।

भक्तपुरको सूर्यविनायकमा बुबाआमासँग बस्दै आएका अभिषेकले सन् २०१४ मा सिड्नी, न्युजील्याण्ड लगायतका देशमा प्रिमियर गरिएको झरना बज्राचार्य अभिनित चलचित्र सेफ ल्याण्डिङमा समेत बालकलाकारको भूमिकामा अभिनय गरेका थिए । अभिनेत्री झरना बज्राचार्य सहित निर्देशक सन्दीप जोसेफ, निर्माताद्धय बसन्त भण्डारी र राहुल अग्रवालको उपस्थितिमा फिल्मको प्रिमियर गरिएको थियो । सो चलचित्रमा अभिषेकसँगै सोनिया जीआर, बिकेल अधिकारी र करण गिरीले समेत बालकलाकारको भुमिका निभाएका थिए । अभिषेकले अभिनयको यात्रालाई पनि अब निरन्तरता दिने योजना बनाएका छन् ।

अभिषेक बाल कलाकारको भूमिकामा खेलेको चलचित्र

हालै चलचित्र कारखानाको कभर गित मायाले बोलेकोमा समेत मोडलिङ गरेका अभिषेकले नृत्य र अभिनयबारे गम्भिर बिष्टलाई गुरुमानेर सल्लाह सुझावहरु लिइरहेका छन् । मैतीदेवीमा रहेको डान्स फिभरका संचालक बिष्टले अभिषेकलाई अभिनयात्रा र मोडलिङका लागि सल्लाह, सुझाव र टिप्सहरु दिने गरेका छन् । अभिषेकले पनि केही अफरहरु आएमा उनीसँगै सुझाव लिन्छन् ।

मायाले बोलेकोमा अभिषेकको मोडलिङ