बुटवल, १२ पौष ।
प्रदेश ५ सरकारका मुख्यमन्त्री शंकर पोखरेलले बिरोधका नाममा सडकमा दुध पोखेर नष्ट नगर्न आह्वान गर्नुभएको छ । नेपाल डेरी एशोसीयसनको २१ औ केन्द्रीय साधारण सभाको बुटवलमा उदघाटन गर्दै मुख्यमन्त्री पोखरेलले दुधको मुल्य पाएनौ भनेर दुध पोख्नु गलत रहेको बताउनु भयो । उहांले बिरोध नै गर्नु परे विद्यालयमा गएर निशुल्क रुपमा वालबालिकाहरलाई वितरण गरेर पनि विरोध गर्न सकिने ब्यवसायीहरुलाई सुझाव समेत दिनुभयो ।
मुख्य मन्त्री पोखरेलले दुग्धजन्य बस्तुको विविधिकरण र ब्रान्डीङ्गको विकल्प नभएको बताउंदै उपभोक्ताहरुको मन जित्नको लागि पनि डेरी व्यवसायीहरुलाई ब्रान्डीङ्गमा जान सुझाव दिनुभयो ।
साधारणसभामा उपस्थित ब्यवसायीहरुले सरकारको नितीका कारण दुध र डेरी ब्यवसाय फस्टाउन नसकेको गुनासो गरेका थिए ।
Accuracy, Balance & Credibility - JOURNALISM
बिरोधका नाममा दुध पोख्न छाडेर बिद्यार्थिलाई खुवाउन मुख्यमन्त्री पोखरेलको सुझाव
sharan sharan
पुस १२, २०७६ शनिबार १० : ३१ बजे
प्रतिक्रिया दिनुहोस्