प्रतिष्ठान जापानको अध्यक्षमा सुर्य खड्का, पर्यटन वर्षलाई सफल पार्ने प्रतिवद्धता



जापान १८ भदौ । राष्ट्रिय लोक तथा दोहोरी गीत प्रतिष्ठान नेपाल जापान शाखाको अध्यक्षमा सुर्य खड्का चयन भएका छन् । मंगलबार जापानको टोकियोमा सम्पन्न दोस्रो अधिवेशनबाट खड्का निर्विरोध चयन भएका हुन् । रोजगारीका लागि जापान आएका उनले कला र संस्कृतीको जर्गेना गर्न जापानमा प्रतिष्ठानको आवशयकता समेत महसुस गरेका थिए । प्रतिष्ठान स्थापना अघि तदर्थ समिती गठन भएको थियो । तदर्थ समिती हुदा सह(संयोजकको जिम्मेवारी पाएका उनले १ कार्यकाल उपाध्यक्ष पुरा गरि अहिले अध्यक्ष बनेका हुन् ।

बाग्लुङमा जन्मिएका खड्का २०६२ सालमा चितवनबाट सांङगितिक क्षेत्रमा प्रवेश गरेका थिए । सयौँ बढी गीत निकालेका उनले आफ्नो कार्यकाल संस्कृतीको जर्गेना गर्दै नेपालमा पर्यटक भित्र्याउन खर्चिने बताए ।

उनले जापानी नागरिकमा नेपाली कला र संस्कृती चिनाउने र पर्यटक भित्र्याउने तर्फ केन्द्रित रहने एवीसी न्युजलाई जानकारी दिए । नेपाल सरकारले २०२० लाई पर्यटन वर्ष घोषणा गरेकोले सफल पार्ने दायित्व आफ्नो पनि भएकोले सक्दो सहयोग गर्ने प्रतिबद्धता समेत जनाए ।

 

“सिङ्गो कार्यसमिती नै कला र संस्कृतीको जर्गेना पर्यटन वर्ष सफल पार्न समय खर्च गर्नेछौँ ।” खड्का भन्छन् । १० वर्ष देखी जापानलाई कर्मभूमी बनाएका सुर्यको जापानिज कलाकार संग समेत राम्रै घुलमिल छ । २ वर्षे कार्यकालको लागि खड्काको नेत्तृत्वमा २५ सदस्सीय नया कार्य समिती चयन भएको छ ।

जसको प्रथम उपाध्यक्षमा पुरुषोतम सिग्देल, द्धितीय उपाध्यक्षमा नारायण कंडेल, महिला उपाध्यक्ष सोना के सी, सचिब माधब सिग्देल, सह सचिब दिलेन्द्र जोशी र समुद्र राज पौडेल, कोषाध्यक्ष अमित सापकोटा, सह कोषाध्यक्ष निशा क्षेत्री र प्रवक्ता केशब पौडेल सर्वसहमतीले चयन भएका हुन् । त्यस्तै सदस्यहरुमा प्रकाश कंडेल, नकुल गौतम, प्रेम सापकोटा सोनु, केशब शर्मा, अर्जुन सुबेदी, शान्ता जि सी, होम पुन,निर्मल क्षेत्री, प्रेम कुमार बस्नेत, खेम राज पौडेल रहेका छन् ।

अधिवेशनको सम्वोधन गर्दै राष्ट्रिय लोक तथा दोहोरी गीत प्रतिष्ठान नेपालका अध्यक्ष बद्री पंगेनीले लोक संगितको क्षेत्रमा भित्रीएका विकृती र विसंगती हटाउन प्रतिष्ठानले कदम चालेको बताए । उनले संस्कृतीको जगेर्ना गर्ने जिम्वेवारी नै कलाकारको भएकोले प्रवासबाट पनि योगदान पुर्याउनुपर्नेमा जोड दिए । समारोहमा प्रतिष्ठानका प्रथम उपाध्यक्ष पशुपति शर्मा, सचिव खुमन अधिकारी, पूर्व केन्द्रिय सदस्य मन्जु पौडेल लगायतका स्थानीय कलाकारको समेत उपस्थिती रहेको छ ।

    Comment Here!


सम्बन्धित समाचार

View All