बुटवल, ४ बुटवल । नेपाल प्रहरीका आईजीपी सर्बेन्द्र खनाल र संघिय संसदका सांसद शान्ता चौधरी बुटवलका युवाहरुलाई उत्प्रेरित गर्न बुटवल आउने भएकाछन् । लियो क्लब अफ तिलोत्तमाको आयोजनामा नेतृत्व बिकास तथा युवा उद्यमी उत्प्रेरणा कार्यक्रम मार्फत उनीहरुले युवाहरुलाई उत्प्रेरित गर्नेछन् ।
भदौं ७ गते आयोजना हुने कार्यक्रममा नेकपा सघिय सांसद तथा संसदीय दलका सचेतक शान्ता चौधरी, नेपाल प्रहरीका प्रहरी महानिरीक्षक आईजिपी सर्वेन्द्र खनाल, युवा उद्यमी तथा, एस. आर. ग्रुपका प्रबन्ध निर्देशक सुरज उप्रेती, युवा परामर्शदाता अनन्तराज घिमिरे, ब्लाइण्ड रक्सका संस्थापक श्रृष्टि केसी लगायतले उत्प्रेरणा प्रशिक्षण दिने क्लबका कार्यक्रम संयोजक चञ्चल कुमार कार्कीले जानकारी दिएका छन् । बुधबार बुटवलमा आयोजित पत्रकार सम्मेलनमा बोल्दै उत्प्रेरणा कार्यक्रमको तयारी तिव्र पारिएको क्लबका अध्यक्ष राजन कसजुले जानकारी दिए । कार्यक्रममा ५ सय बढी युवाको सहभागिता रहने क्लबका सचिव दिनेश कुमार श्रेष्ठले बताए ।
क्लबले युवाहरुलाइ अझ जोश, जाँगर, उत्तरदायी र परिपक्व बनाउनका लागि कार्यक्रमको आयोजना गरिएको क्लबका प्रथम उपाध्यक्ष सिद्धार्थ गुरुङ्गले बताए । कार्यक्रम सञ्चालन गर्नको लागि ३ लाख खर्च हुने र सोही कार्यक्रममा दृष्टिबिहिन भएका ब्यक्तिहरुका लागि २५ हजार बराबरको सेतो छडी वितरण गरिने क्लबले जनाएको छ ।
प्रतिक्रिया दिनुहोस्