बुटवल, २ बुटवल । प्रदेशको सुरक्षामा आधुनिक सुरक्षा प्रणाली लागु गर्ने भन्दै प्रदेश–५ सरकारले रोल्पा बाहेकका ११ जिल्लामा १ सय ५ ओटा सिसिटीभी क्यामेरा जडान गरि निगरानी सुरु गरेको छ ।

२ करोड ५९ लाख ९३ हजार लागतमा ११ जिल्लाका बिभिन्न शहरहरुमा सिसि क्यामेरा जोडने काम भई रहेको प्रदेश सरकार आन्तरिक मामीला तथा कानुन मन्त्रालयले जनाएको छ ।
मन्त्रालयको लगानीमा बुटवलमा जडान गरिएको सिसि क्यामेराको कन्ट्रोलरुमको आज एक कार्यक्रमका बिच प्रदेश ५ सरकारका मुख्यमन्त्री शंकर पोखरेलले उदघाटन गर्नुभयो ।
प्रदेश ट्राफिक प्रहरी कार्यालय बुटवलमा राखिएको कन्ट्रोल रुमबाट बुटवलको गोलपार्क, बिद्युत चोक, हस्पिटल लाइन, भुड्की चोक, मिलनचोक, राजमार्ग चौराहा, नेपालगन्ज रोड र तिनाउ पुल पारीसम्मको करिब ३ किलोमिटर क्षेत्रका मुख्य राजमार्गको दृश्य कन्ट्रोल रुपमा कैद हुनेछ ।
उदघाटन कार्यत्रममा बोल्दै प्रदेश नं. ५ का मुख्यमन्त्री पोखरेलले दुर्घटना न्यूनिकरण र सुरक्षा निगरानी बढाउनका लागि प्रदेशका जिल्लामा सिसिटीभि जडान गरेको बताउनुभएको छ ।

उहाले ट्राफिक व्यवस्थापनमा समस्या र बढि दुर्घटना हुने क्षेत्रमा समेत सिसिटिभी निगरानी बढाउनुपर्ने भन्दै त्यस्ता स्थानको पहिचान गर्न समेत उहाले आग्रह गर्नुभयो । सडक जाम, दुर्घटनाको जानकारी, दुर्घटना पछिको रेस्क्यू, अपराध पछि भन्ने अवस्थाको अन्त्य पनि सिसिटिभी जडानले हुने अपेक्षा उहाले गर्नुभयो । प्रदेश नं. ५ ट्राफिक प्रहरी कार्यालयका प्रमुख प्रहरी उपरिक्षक मदुसुदन लुईटेलले अपराध नियन्त्रण र दुर्घटना न्यूनिकरणमा सिसिटिभी जडानले महत्वपुर्ण भुमिका खेल्ने बताउनुभयो ।
आन्तारिक मामिला तथा कानुन मन्त्रालयले अघिल्लो आर्थिक बर्षमा सिसिटिभी जडानका लागि ३ करोड बजेट विनियोजन गरेपछि प्रदेशका बिभिन्न शहरहरुमा सिसिटीभि जडान गर्न थालिएको हो ।