प्रदेश नम्बर ५ मा पर्यटन पत्रकार महासंघको पर्यटन पत्रकारिता पुरस्कार स्थापना



पाल्पा, २९ साउन । नेपाल पर्यटन पत्रकार महासंघ प्रदेश नं ५ समितिले पर्यटन पत्रकारिता पुरस्कार स्थापना गरेको छ ।
प्रदेश समितिको मंगलबार र बुधबार पाल्पाको नुवाकोटमा बसेको बैठकले पर्यटन बिधामा कलम चलाउने एक जना पत्रकार वर्षमा एक पटक नगदसहित पुरस्कृत गर्ने निर्णय गरेको हो ।

बैठकले प्रदेश नं ५ का १२ वटै जिल्लामा पर्यटन सम्बन्धी गतिविधि बढाउने तथा सदस्यहरु थप्ने सकितीले निर्णय गरेको महासंघका महासचिव कपिल ज्ञवालीले जानकारी दिएका छन् ।

बैठकपछि स्थानीयसंग महासंघले गरेको अन्तरक्रियामा बोल्ने वक्ताहरुले बुटवलदेखि आठ किलोमिटर सडकको दुरीमा रहेको चुरेमा क्षेत्रमा पर्ने नुवाकोट गढी क्षेत्रलाई पर्यटकीय गन्तब्यको रुपमा विकास गर्नुपर्नेमा जोड दिएका थिए । बुटवलदेखि नजिकमा रहेको, ऐतिहासिक महत्व बोकेको नुवाकोट गढी क्षेत्रलाई हिल स्टेशनको रुपमा विकास गर्न सके आन्तरिक तथा बाह्य पर्यटकको रोजाईको क्षेत्र बनाउन सकिने उनीहरुले उल्लेख गरे ।

कार्यक्रममा बोल्दै नुवाकोट विकास समितिका अध्यक्ष माधव नेपालले नुवाकोट गढी ऐतिहासिक वीर गाथासंग जोडिएकोले एकृकीत विकासमा नुवाकोटलाई जोड्नु पर्ने उल्लेख गरे । नेपाल भ्रमण वर्ष सन् २०२० का प्रदेश नं ५ संयोजक समेत रहेका नेपालले तीन वर्षमा नुवाकोट गढी क्षेत्रमा आधुनिक प्रकृतिका पर्यटकीय संरचना समेट निर्माण गरिने बताए ।

महासचिव कपिल ज्ञवालीले प्रदेशका १२ वटै जिल्लामा पुगेर पर्यटन सम्बन्धी गतिविधी संचालन गरिने धारणा राखेका थिए ।

    Comment Here!


सम्बन्धित समाचार

View All