सप्तरी , २४ साउन । बाँसको ठुटो पेटमा रोपिँदा आन्द्रा भुँडी निस्केर गम्भिर अवस्थामा उपचारका लागि ल्याइएका एक बालकको यहाँका चिकित्सकहरुले सफल शल्यक्रिया गरी ज्यान जोगाएका छन् ।

राजविराजनस्थित गजेन्द्र नारायण सिंह अस्पताले ६ इन्च बाँसको ठुटो पेटमा रोपिएर आन्द्रा भुँडी बाहिर निस्केको ८ वर्षिय बालकको सफल शल्यक्रिया भएपछि अहिले धन्यवादको पात्र बनेको छ । राजविराजस्थ्ति गजेन्द्र नारायण सिंह अस्पतालमा बिहीबार दिउँसो ४ बजेतिर आन्द्रा भुँडी निस्केको एक बालक उपचारका लागि आएका थिए ।

बाँसको ठुटो रोपिएर आन्द्रा, भुँडी बाहिर निस्केको सप्तरीको अग्निसाइर कृष्णासवरण गाउँपालिका ४ का ८ वर्षीय बालक तफरेज आलमको सफल बाँसको ठुटो रोपिएर आन्द्रा, भुँडी बाहिर निस्केको सप्तरीको अग्निसाइर कृष्णासवरण गाउँपालिका ४ का ८ वर्षीय बालक तफरेज आलमको सफल शल्यक्रिया गरी गजेन्द्र नारायण सिंह अस्पतालका चिकित्सकले ज्यान जोगाएका हुन् ।

वरिष्ट कन्सल्टेन्ट जेनरल सर्जन डा. राजिव मिश्रा, एनेशथेसिया विभागका प्रमुख डा. पारशमणी शाह, डा. शशांक यादव, डा. गोपाल यादव, एनेशथेसिया सहायक विपिन देवलगायतका चिकित्सक टोलीले सफल शल्यक्रिया गरि बालकको ज्यान जोगाएका सफल भएका छन् । डा. मिश्राका अनुसार, शल्यक्रियाका लागि चार घण्टाको समय लागेको थियो । उनी बिहीबार दिउँसो ३ बजेतिर शौचका लागि जान लाग्दा घरको छतबाट चिप्लिएर तल खस्दा बाँसको ठुटोमा परेपछि ठुटो पेटमा रोपिएको आलमका परिवारले जानकारी दिए ।

शल्यक्रिया सफल भई शुक्रबार बालक होसमा आएपछि आफन्तहरु पनि निर्कै खुशी भएका छन् । शल्यक्रिया सफल भएपछि घाइते बालकका आफन्तले खुशी व्यक्त गरेका छन् । ‘अप्रेशन सफल हुने हो की होइन्, भन्ने निकै डर थियो’ घाइते बालककी आमा सबनम खातुनले भनिन्, ‘डाक्टरहरुको प्रयास सफल भयो, ज्यान बच्यो, धेरै खुशी भएका छौं ।’