काठमाडौँ , २४ साउन । भारतले पाकिस्तानलाई नयाँ दिल्लीसँग कूटनीतिक सम्बन्ध सीमित र व्यापारिक कारोबार अन्त्य गर्ने निर्णयमाथि खेद व्यक्त गर्दै पुनर्विचार गर्न आग्रह गरेको छ ।
पाकिस्तानले चालेको कदम वास्तविकतासंग मेल नखाने पनि भारत सरकारले भनेको छ । जम्मू–कश्मीरलाई विशेष राज्यको दर्जा दिने संवैधानिक प्रावधान धारा ३७० को खारेजीपछि पाकिस्तानले पनि भारतसँगको कूटनीतिक सम्बन्ध सीमित गर्ने निर्णय गरेको थियो । भारतसँगको व्यपारिक सम्बन्ध तत्काललाई निलम्बन गर्ने निर्णय पनि पाकिस्तानले गरेको थियो । पाकिस्तानी कदमप्रति प्रतिक्रिया दिँदै भारतीय विदेश मन्त्रालयले, ‘पाकिस्तानले गरेको निर्णयप्रति भारत सरकारले खेद व्यक्त गरेको बताएको छ ।
भारतले पाकिस्तानको निर्णयमाथि पुनर्विचार गर्न अपिल गर्दै कूटनीतिक सम्पर्क चाहेको बताएको छ । जम्मू–कश्मीरको विकासका लागि भारत सरकारले धारा ३७० को खारेजी गरेको प्रष्टीकरण पनि दिएको छ । भारतले आफ्नो पछिल्लो कदम आन्तरिक मामिला भैरहेको बताउँदा संयुक्त राष्ट्र संघीय मानव अधिकार आयोगले भने कश्मीरमा मानव अधिकार हनन भएको जनाएको छ । कश्मीरमा केही दिनदेखि सञ्चार सेवा बन्द गराइएको छ । कफ्र्यु लगाइएको छ भने केही स्थानीय नेता नजरबन्दमा छन् ।
प्रतिक्रिया दिनुहोस्