काठमाडौं, २३ साउन । संस्कृति, पर्यटन तथा नागरिक उड्डयनमन्त्री योगेश भट्टराईले आफूले बोलेका कुरा काममा उतारेरै छाड्ने प्रतिबद्धता जनाएका छन् । बुधबार सञ्चारकर्मीसँग भट्टराईले कामकै लागि बोलेको दाबी गरे । उनले आफूले वाह नेपाल एयरलाइन्स भन्ने बनाएरै छाड्ने उल्लेख गरे ।
यसअघि १५ साउनमा मन्त्री भएका दिन पदभार ग्रहणपछि पनि उनले सोही अभिव्यक्ति दिएका थिए । ‘म भरुवा बन्दुक देखाउन र तर्साउन आएको होइन’, उनले भने, ‘बन्दुक देखाउने होइन, सिधै निशाना लगाउने हो ।’ भट्टराईले यसअघि आफूलाई क्रिकेट खेलाडीसँग तुलना गर्दै एकएक रन नभई चौका र छक्का प्रहार गर्ने बताएका थिए । उनले निशानामा तिर हान्ने काम भने आगामी महिनाबाट सुरु हुने स्पष्ट गरे ।
प्रतिक्रिया दिनुहोस्