लाफा समुहद्रारा ब्लड क्यान्सर र मृगौला पिडितलाई आर्थिक सहयोग



बुटवल,१६साउन । रुपन्देहीमा खेलकुद गतिविधिसंगै सामाजिक कार्यमा अग्रसर रहदै आएको लाफा समुहले दुई जना बिरामीलाई ४४ हजार रुपैया आर्थिक सहयोग गरेको छ । लाफा समुहले ब्लड क्यान्सर र मृगौला पिडित दुइजनालाई उपचारका लागि आर्थिक सहयोग गरेको हो ।
बिगत दुई वर्ष देखि ब्लड क्यान्सरबाट पिडित स्याङ्गजा घर भई हाल बुटवल सुख्खानगर बस्दै आएका लाफा समुहका सक्रिय सदस्य प्रदिप श्रेष्ठको ५ बर्षिय छोरी आयुष्मा श्रेष्ठको उपचारका लागि २२ हजार आर्थिक सहयोग गरेको छ ।
त्यस्तै क्लबले पाल्पा रामपुर घर भई हाल बुटवल सुख्खानगर बस्दै आएका समुहका सदस्य २८ बर्षिय रेम बहादुर ठकुरीलाई पनि समुहले नगद २२ हजार सहयोग गरेको छ ।
ठकुरी वैदेशिक रोजगारको लागि साउदि अरब र कतार गएका थिए । कतारमा रहदा नै उनि बिरामी भएपछि कम्पनीले उनलाई डेढ बर्ष अगाडी नेपाल पठाएको थियो । नेपाल आएर चेक गर्दा दुबै मृगौला फेल भइ सकेको ठकुरी सुनाउछन ।
उनले भने “घरमा स साना दुई छोरी र श्रीमति छिन उनिहरुलाई कमाएर खुवाउने बेलामा मेरो यस्तो हालत छ विदेशमा अलि अलि कमाएको पैसा पनि सबै उपचारमा सकियो मृगौला दिने कोहि भेटिएको छैन हप्ताको एक पटक डाइलाइसेस गर्नुपर्छ भएको सबै सकियो आफन्त र साथिभाईहरुको सहयोगले अहिले सम्म डाइलाइसिस गरेको छु” । उनले थपे “सधै उहि साथिहरुले कति सहयोग गर्न सक्छन र ? त्यसैले देश विदेशमा रहनुभएका सम्पूर्ण नेपालिहरुमा सानो आर्थिक सहयोग माग्दछु हजुरहरुको सानो सहयोगले मेरो परिवारमा रहेको ४ जनाको उद्धार हुनेछ” ।
श्रेष्ठ र ठकुरीको उपचारका लागि थप आर्थिक सहयोग जुटाइदिन क्लबका संरक्षक बासुदेब लामिछानेले सबैलाई आग्रह समेत गरेका छन ।
समुहले विभिन्न समयमा यस्तै आर्थिक अबस्था कमजोर भएका बिरामी र निहरुको परिवारलाई आर्थिक सहयोग गर्दै आएको समुहका अध्यक्ष तारासिंह रेश्मीले बताए ।
समुहले विभिन्न सामाजिक काम गर्दै आएको छ भने बर्षमा दुई पटक रक्तदान गर्ने गरेको छ । समुहले खेलकुदको क्षेत्रमा भलिबल, फुटवल र विषेश गरी ब्याडमिन्टनका ६० जना खेलाडीहरुलाइ तालिम दिदै अएको छ । समुहमा ८० जना सदस्यहरु रहेका छन ।

    Comment Here!


सम्बन्धित समाचार

View All