साउन १ गतेबाट सडकमा भाडाका ट्रक नगुड्ने



बुटवल, ३१ असार ।
ट्रक ब्यवसायीहरुले साउन १ गतेबाट सार्वजानीक ढुवानीको सेवालाई थप्प पार्ने घोषणा गरेका छन् ।
सरकारले लागु गरेको भाइकल ट्याकीङ र ढुवानीमा मुल्य अभिबृद्दी करका बिरुद्धमा बुधबार देखि ब्यवसायीहरुले ट्रक नचलाउने घोषणा गरेका हुन् । सरकारले बिना तयारी भाईकल ट्याकिङ र मुल्य अभिबृद्दि कर लगाएकाले ट्रक नचलाउने निर्णय गरिएको लुम्बिनी ट्रक ब्यवसायी संघका अध्यक्ष बिष्णु खरेलले जानकारी दिएकाछन् । खरेलका अनुसार ब्यवसायीहरुले सांकेतिकरुपमा आ आफ्नो ट्रक ग्यारेजमा थन्काउने निर्णय गरिएको भएपनि सडकमा चल्ने सवारी साधनहरुलाई भने अवरोध गर्ने छैनन् ।
“ट्रक ब्यवसायीले न खरिद गर्ने हो न बिक्री, खरिद बिक्री नै नभएको ब्यवसायमा मुल्य अभिबृद्दि कर लगाउनु गलत हो” खरेलले भने ।
सरकारले ‘राजस्व चुहावट अनुसन्धान तथा नियन्त्रण ऐन २०५२ मा प्रावधान थप गर्दै बुधबारदेखि वेबमाआधारित ढुवानी प्रणाली भीसीटीएस लागु गर्ने निर्णय गरेको छ । भीसीटीएसअन्तर्गत ढुवानीकर्ताले ढुवानी गर्ने मालसामानको सूची अनलाइनमा आधारित भएर बनाउनु पर्छ। यसका लागि पहिले राजस्व अनुसन्धान विभागको साइटमा गएर युजर नेम र पासवर्ड लिनुपर्छ। त्यहीयुजर नेम र पासवर्डका आधारमा ढुवानी गरिने मालसामानको सूची बनाउनु पर्छ। ढुवानीको सूची बनाउँदा ढुवानी गरिने मालसामानको प्रकृति, त्यसको बिल विजक नम्बर, प्रज्ञापनपत्र नम्बर, त्यसको प्यानमा भ्याट नम्बर पनि उल्लेख गर्नुपर्छ।
ढुवानी ब्यवसायीहरुले ट्रक ननिकाल्ने घोषणा गरेपछि बजारमा अभाव देखिने सम्भावना देखिएको छ । सरकारले आफ्नो निर्णयलाई पुनर्बिचार नगरे थप संघर्षको कार्यक्रम गरिने खरेलले बताए ।

    Comment Here!


सम्बन्धित समाचार

View All