जनकपुरधाम २७ असार । बुधबार रातिदेखिनै निरन्तर रुपमा परेको अबिरल बर्षाले जनकपुरको अधिकांस क्षेत्र जलमग्न भएको छ ।
प्रदेश नं. २ को अस्थायी राजधानी एवम् धनुषा जिल्लाको सदरमुकाम जनकपुरमा नालाले पानीको बहाब लिन नसक्दा जनकपुरको अधिकांस क्षेत्र डुबानमा परको छ। अबिरल वर्षाका कारण सडक सहित अधिकांस सरकारी कार्यालयहरु समेत डुबानमा परेको छ । केहि दिन अघि सहरि बिकास योजना अन्तरगत निर्माण भएको बाटोको नाला मापदण्ड बिपरित रहेको हुनाले सडकमा पानी जमेको स्थानियले बताए । जनकपुर उद्योग वञिज्यसंघका महासचिब जितेन्द्र महासेठले तीन देखि परेको अबिरल बर्षाले व्यपारमा लाखौको घाटा भएको बताए । उनले जनकपुरउपमहानगरपालिका भानु चौक स्थित एक पसलमा पानी पस्दा करिब पाँचलाख बराबरको छति भएको बताए ।
आपतकालिन अवस्था आउनुअघि जनकपुरधाम उपमहानगरपालिका लगायत सम्बन्धित निकायहरु कानमा तेल हालेर सुतेका हुन्छन् भने पानी परि सक्दा भोजको बेला फर्सि रोपेभैm सस्तो लोकप्रियता कमाउन बाटोमा आउने गरेको महासेठले बताए । धनुषाका प्रमुख जिल्ला अधिकारी प्रदीप कनेलले तीनदिन देखि परेको अबिरल बर्षाले सहरि क्षेत्र सहित रानिबास क्षेत्र डुबानमा परेकोले एलर्ट साइन देखाएको बताए । अबिरल बर्षाका कारण सरकारी कार्यालयहरु समेत डुबानमा परेको जनाउँदै नेपाल प्रहरी, शसस्त्र प्रहरी र नेपाली सेनाको सहयोगमा पानी निकासको कार्य जारी रहेको कणेलले बताए ।
अबिरल बर्षका कारण जनकपुरको भानुचोक, रामानन्द चोक, कदमचोक, बाह्रविघा मैदान, अञ्चल प्रहरी कार्यालय र जिल्ला प्रहरी कार्यालय समेत जलमग्न भएको छ । अबिरल बर्षाका कारण विभिन्न ठाउँ डुबानमा परेको तथा जनजीवन प्रभावित भएपनि अहिलेसम्म कुनै अप्रिय घटना नभएको जिल्ला प्रहरी कार्यालय धनुषाका प्रहरी प्रवक्ता रामेश्वर कार्कीले जनाए । उनका अनुसार, जिल्लाको अवस्था अहिले समान्य रहेको छ भने कमला नदी छेउका ग्रामिण भेकमा भने सुरक्षाकर्मीद्धारा सतर्क रहन सर्वसाधारणहरुमा सूचना प्रवाह गरिएको हो । धनुषा र सिरहा जोडने कमला नदीमा पनि पानीको बहाब बढदै गएको जनाइएको छ । अबिरल बर्षाका कारण एकातर्फ जनजीवन प्रभावित भएको छ भने अर्का तर्फ कृषक किसानलाई भने फाईदा पुगेको देखिएको छ ।
प्रतिक्रिया दिनुहोस्