काठमाडौँ, २६ असार । अमेरिकाका राष्ट्रपति डोनल्ड ट्रम्पले इन्टरनेट तथा प्रविधि कम्पनीहरूमाथि कर लगाउने फ्रान्सेली योजनाबारे अनुसन्धान गर्न आदेश दिएका छन् ।

अमेरिकी कम्पनीहरूविरुद्ध अन्यायपूर्ण रूपमा लक्षित डिजिटल सेवा करप्रति अमेरिकाको गम्भिर चासो रहेको ट्रम्पका व्यापार प्रतिनिधिले बताएका छन् । फ्रान्सको संसद्ले नया“ करसम्बन्धी विधेयक आज अनुमोदन गर्ने अपेक्षा गरिएको छ । जसअनुसार गुगल र फेसबुकजस्ता कम्पनीले फ्रान्सभित्र गर्ने मुनाफामा तीन प्रतिशत कर लगाइनेछ । त्यो लागु भएमा फ्रान्सले यही वर्ष करिब ४० करोड युरो सङ्कलन गर्ने अपेक्षा गरिएको छ । ७५ करोड युरोभन्दा बढी कमाउने र त्यसमध्ये साढे दुई करोड युरो फ्रान्सभित्र मुनाफा गर्ने कुनै पनि डिजिटल कम्पनीमाथि नया“ कर लाग्नेछ । अमेरिकी व्यापार प्रतिनिधि रोबर्ट लाइटहाइजरबाट जारी वक्तव्यमा राष्ट्रपति ट्रम्पले दिइएको निर्देशनबारे विभेदकारी अथवा अन्यायपूर्ण तथा अमेरिकी व्यापारमाथि बोझबारे अनुसन्धान गरिने बताइएको छ ।

अनुसन्धानपछि फ्रान्सेली करको बदलामा अमेरिकाले पनि उसमाथि कर लगाउने अथवा नलगाउनेबारे टुङ्गो लाग्नेछ । ब्रिटेनले पनि सोही प्रकृतिको डिजिटल सेवा करबारे अध्ययन गरिरहेको जनाएको छ ।