काठमाडौं १५ असार । सरकारले असार १४ गतेलाई राष्ट्रिय वृक्षारोपण दिवसको रुपमा मनाउने निर्णय गर्दै देशभर वृक्षारोपण अभियान शुरु गरेको छ । शहर र सडकलाई हरियाली बनाएर वातावरण स्वस्थ बनाउन वृक्षारोपण अभियान शुरु गरिएको प्रधानमन्त्री केपी शर्मा ओलीले बताएका छन् । वृक्षारोपणले पर्यावरणीय सन्तुलन राख्ने, धुलो धुवालाई नियन्त्रण गर्ने भन्दै सवैले यस कार्यक्रमलाई निरन्तरता दिनुपर्ने उनले बताए ।
सरकारले शनिबारबाट देशभर वृक्षरोपण अभियान सुरु गरेको छ । प्रधानमन्त्री केपी शर्मा ओलीले शनिवार एक कार्यक्रमका बीच कोटेश्वर – कलंकी सडकखण्ड बिरुवा रोपेर अभियानको शुरुवात गरेका हुन् । सरकारको सक्रियता, सरकारका विभिन्न तह र तप्काका निकायहरु, विभिन्न संघंसस्थाहरु, सरकारको निर्देशन अनुसार सत्तारुढ दलका भ्रातृसंगठनहरु वृक्षारोपणमा सहभागी भएका छन् । काठमाडौंको कोटेश्वर – कलंकी सडकखण्डमा वृक्षारोपण गरिएको हो । सडक खण्डका विभिन्न स्थानमा बोटबिरुवा, फलफुलका विरुवा रोपिएको छ । सरकारले असार १४ गतेलाई राष्ट्रिय वृक्षारोपण दिवसको रुपमा मनाउने समेत निर्णय गरेको छ । शहर र सडकलाई हरियालीयुक्त र हराभर बनाउनको वृक्षारोपण गरिएको अभियान शुरु गरिएको प्रधानमन्त्री केपी शर्मा ओलीले बताउनुभयो । वृक्षारोपणलाई देशभर सञ्चालन गर्ने र वर्षेनी निरन्तरता दिने उनको भनाइ छ ।
दिनानुदिन उजाड र प्रदुषित हुँदै गइरहेको काठमाडौंको वातावरण, शनिवार कोटेश्वर सडक खण्डमा वृक्षारोपण गर्नुले सर्वसाधारणले यसलाई सरकारको महत्वपूर्ण कदमको रुपमा लिएका छन् । सरकारले २०२० लाई पर्यटन वर्ष घोषणा गरेका कारण राजधानीका सडकलाई स्वच्छ र हरियाली बनाउन थाल्नु पर्यावरणीय दृष्टिले मात्र नभइ पर्यटकको आगमनको दृष्टिले सरकारको यो कदम महत्वपूर्ण हुने सर्वसाधारण बताउँछन् । बाइट… श्रीकृष्ण उप्रेती, सर्वसाधारण
प्रदुषित काठमाडौंका सडक वरपर बोट बिरुवा रोप्दा धुलो धुवा नियन्त्रण हुने हुनाले सर्वसाधारणले खुशी व्यक्त गरेका छन् । यसले प्राकृतिक र शहरको सौन्दर्यता बढाउने उनीहरुको भनाइ छ । बाइट… दिपक ओली, सर्वसाधारण
सरकारले यसपटक २६०० बिरुवा रोप्ने बताएको छ । आगामी ३ वर्षभित्र ३ करोड बिरुवा र फलफुल रोप्ने जनाएको छ । वृक्षारोपण अभियान शुरु गरेपनि काठमाडौंका विभिन्न खडक खण्ड र काठमाडौं बाहिर पनि विभिन्न शहरमा वृक्षारोपण गर्नु आवश्यक रहेको सर्वसाधरण बताउछन् ।
सरकारले विभिन्न कार्यक्रमहरु यसअघि गरेपनि त्यसलाई निरन्तरता, संरक्षण र सम्बद्र्धन गर्न नसकेको नजिरहरु छन् । एक दिन वृक्षारोपण त गरियो तर रोपेकै बिरुवाको संरक्षण कसले कसरी गर्ने हो त्यसको भन्ने ठेगान नभएको स्थानियको गुनासो रहेको छ ।
प्रधानमन्त्री केपी शर्मा ओलीले रोपिएको विरुवाको संरक्षण र सम्बद्र्धन गर्ने जिम्मा आम सर्वसाधारणकै भएको बताएका छन् । विरुवा रोप्ने निकायलाई विरुवा हुर्काउनमा विशेष ध्यान पुर्याउने समेत प्रधानमन्त्री निर्देशन दिए ।
स्वच्छ र हराभरा काठमाडौं र सिंगो नेपाल बनाउन चालिएको यो कदम प्रशंशनिय छ । सरकारी घोषणा जस्तै यसले निरन्तरता पायो भने पक्कै पनि शहरको मुहार फेरिन धेरै समय लाग्दैन । सरकारको मुख नताकी आफु अनुकुल आवश्यक ठाउँमा स्वस्फुर्त रुपमा बिरुवा रोप्न र हुर्काउन नागरिक यस तर्फ लाग्न आवश्यक छ । हैन भने सरकारलेमात्र एक दिन दिवश मनाउदैमा यसले सार्थकता पाउन सक्दैन । रोपिएका विरुवाहरुको संरक्षरण गर्न आम नागरिकको दायित्व भित्र पर्न जान्छ त्यसैले हामी सवैले विरुवाको संरक्षण गरि सचेत नागरिको परिचय दिउँ ।
प्रतिक्रिया दिनुहोस्