काठमाडौं, २४ जेठ । ट्राफिकले लगायो सवारी साधनमा स्टिकर सीमित गतिमा सवारी चलाऔँ दुर्घटनाबाट बाचौँ र बचाऔँ भन्ने मूल नाराका साथ आज जिल्ला ट्राफिक कार्यालयले सवारी साधनमा सूचनामूलक नारा लेखिएको स्टिकर टासेको छ ।
जिल्लामा चल्ने नगरका चारपाङ्ग्रे र दुईपाङ्ग्रे करीब ९० सवारी साधनमा स्टिकर लगाइएको सो कार्यालयले जनाएको हो । सवारी साधनबाट हुने दुर्घटनालाई कसरी न्यूनीकरण गर्ने र ट्राफिक नियमको पालना कसरी गर्ने भन्नेजस्ता विषयमा सवारी चालक, धनीलाई जानकारी गराइएकोे जिल्ला ट्राफिक कार्यालयका प्रहरी नायब निरीक्षक विकल भट्टराईले बताउनुभयो ।
जिल्लामा हुने साना ठूला दुर्घटना न्यूनीकरण र रोकथाम गर्न ट्राफिक कार्यालयले विभिन्न ठाउँका दुर्घटनाग्रस्त क्षेत्रमा सूचनामूलक होडिङ बोर्ड पनि राखिएको उहाँले जानकारी दिनुभयो ।
प्रतिक्रिया दिनुहोस्